Odu alu oku azi rua pie ambo, okporu, adriza be ndu di esu esoanzi nyiri yi geria. Zi ezoanzi di yi ''Emi eselea ba tipika eri di pini le tu di a'di i ya?

Zamva alu ri nga 'yo, "Ma andri lema ndeni." Azini 'yo, "Ma ati lema ndeni." Za mva azini nga yo, "Ma tipika eyi eri tro le ma tu."

Oku zoopi tu ri nga 'yo zamva erima ti'ba ni eri lezu iritro ri ni ma mu ima azako eja ingazu ima dria. Zamva 'da bi eri ma vuti.

Kamu aci re 'bo, zamva zi eri, "Eja mini 'yo ri ngole ya?" Oku zoopi nde ni ri omvi, "Eri pati e'daapi 'da ma alia!"

Kamu cha pati 'da ma alia 'bo, zaamva nga eri zi dika, "Eja mini 'yo ri ngole ya?" Omvi eri kini, "Ovuni di ali ku!"

Muki kpere esu ki chuu azi. Zi oku zoopi tu 'di "Mi zi ma ru a'di'iya?" Oku nde omvi kini, "Eri ma ru Okporua eyo nzepi ri."

Zamva di edo di ongo ngo dinile: ma ru ovuni okporua eyo nzepi ri ku ma ru kaamungei I Ee! Ma andri ma ni lele ri Ee! Ma ati ma ni lele ri Ee! Ma zukulu ma ni ayu lesu mvuzu ri.

Agupi di ka mu e'yo zamva dini ngo ongo alea diri eri 'bo, pa zamva diri ra vutinia ji eri tipika erini pi vu vele. A'diko 'di asi dia!