Agho olwatuuka nga ghabaawo ab'omukwano babiri, Wampiti ni Wakayima. Wampiti yali mulimi inho. Yaasituka munco inho yaaja mu nhimiro.

Wakayima iye yaasituka nga esaawa dhijiire. Nga ayinza okwayuuya n'okwegonhiola. Agho yaaja okunhoonia eby'okulya.

Nga buli nco, Wakayima nga ayinza okuja yaatoola obulo okuva mu kyagi kya Wampiti. Agho yaaja mu nhimiro ye yeefuula nga alikukola einho. Nga ayinza okukuma omuliro mu nhimiro ye yaakalanga obulo yaabulya. Ezira kyeyakola,okutoolaku okulya n'okukalanga.

Mu kukungula, Wakayima yaja yaiba duuma wa Wampiti yaamutwala mu kyagi kye.

Wampiti yeemuluguunia ku lw'okwiba ebirime bye. Wakayima yairamu ati, "Bayinza okuba nga baliranwa baife na baagiibye. Bali kubonabona n'endhala kuba bo bagayaavu.

Wampiti yaasigala nga akaalowookeza ekizibu ekyo. Yaafuna amagezi. Yaakonta omukapa yaagusiiga ku mbali kw'olubimbi lwe kwonakwona.
Nga omwibi bwaidha asigalira okwo.

Mu bwire ghagati, Wakayima yaja mu nnimiro ya Wampiti era aibe duuma owundi. Yasooka yaalingalinga okubona nga ezira buzibu.

Wakayima tiyabona mukapa Wampiti gwe yasiiga ku nnimiro ye era yaagwemereramu gwa mugema. Agho yaatandiika okukuba enduulu nga asaba buyambi.

Wampiti bwe yawulira enduulu yaalumuka aje ageme omwibi.
Tiyakiiriza!
Yaabona mukwano gwe mwene nga nigwaagemye!

Okuva n'olwo, Wampiti ni Wakayima baayawukana bubi inho era buli muntu yaagema yiye. Eyo n'eyali enkomerero yaibwe bombiriri.