Kare kare richini rikungu ndiarenge ororo. Korigotara rikanyora abaiseke abake nchera. Rikababoria, "Ning'o gati yaino bwanchire na'baibori baye bonsi?"

Omoiseke oyomo agateba, "Mama ominto nigo ang'anchete mono," n'oyonde agateba, "Tata ominto nigo ang'anchete mono," noyonde nere agateba, "Ning'anchire nabaibori bane bonsi."

Richini riria koruoo rikaboria omoiseke oria bwanchire n'abaibori baye bonsi amokonye komotweka chinko mogongo oye. Omoiseke oria akabwatia richini riria.

Ekero bagendete ase engaki entambe, omoiseke oria akaboria richini riria, "Ing'ai chinko chire?" Richini riria rikamoiraneria, "Nigaria ang'e n'emete eria!"

Ekero baigete ase emete eria, omoiseke oria akariboria naende, "Ing'ai chinko chiao chire?" Richini riria riakamoiraneria, "Tari are korwa igaa!"

Kobagendererete kogenda, bakaumerana n'omosacha oyomo. Omosacha oria akaboria richini riria ng'a, "Inaki omwana oyo oo akorokwa?" Richini riria rikamoiraneria buna, "Nigo akorokwa Omobuko ogokwana."

The girl burst out singing: Tindi korokwa omobuko ogokwana; Erieta riane no'Kaamungei Obe! Mama ominto oria inyan inyanchete. Obe! Tata oria inyanchete. Obe! Gaki egesanda keria kiane inkonywera amabere!

Ekero omosacha oria aigwete amang'ana y'ogotera koria, akamotoria nakomoirania ase abaibori baye. Noo omogano one oererete abwo!