Agho olwatuuka nga ghabaawo omusaadha ni mukazi we n'abaana.

Omukazi yategeka eby'okulya buli lunaku aye era nga naagibatwalira n'okubatwalira okulya.

Nga omusaadha ayinza okwawulamu ebifi eby'emamba, yaakoba omwana omukulu ati, "Ndi mukulu inho ku mmamba eno. Eno n'eyaimwe. Mwena mulinde mukule mulirya eiyamwe.

Nga ayinza okukoba owundi ati, "Ndi mukulu ku mmamba eno. Eno n'eyiyo. Linda okule."
Buli kabamba akatono nga kafuuka katono inho. Era kino kyakolebwa ku baana boonaboona. Omwana asembayo buto ye yafuna akafi akatonioli inho ku kabaine.

Bbaabba waibwe yaakweka ebifi ebibba byonabyona nga bibye na mukazi we. Abaana baasirika era baalya emere yaibwe.

Emyaka gyabitawo era n'abaana baakula. Omusaadha n'omukazi baakairika. Abaana baabalabiriranga.

Lwali lulala nga saawa dha kulya, omwana omukulu yaiwula emere, nga buliidho. Aye kuluno, yagha bbaabba we ni maama we obufi obusingayo butono.

Yaakoba abazairebe, "Mwalya eyaimwe, buti eno yaife. Tuli bakulu twena.

Omusaadha yaidhukira byeyabakobanga nga bakaali bato. Maama waibwe ni bbaabba waibwe baabanhenia inho kye baakola bati tikyali kituufu kyakukola.
Baasaba ekisonhiwo. Abaana baasubiza bati tibakakiiramu.