Agho olwatuuka, ghaabaagho omulimi omumalirivu einho. Mukazi we yeena yali mukozi inho, ni batabane ababiri.

Yali n'emere emere emala kuba ye mwene ni mukaziwe baakolanga inho. Yayenda abaanabe babe n'obulamu obulungi. Yali tabaganha kukola kintu kyonakyona.

Ekiseera kyabitagho, mukazi we yaafa.

Ni mu mbeera eno, omusaadha omusaadha ono era tiyayenda baanabe kukola. Yalimanga mu nnimiro ate yaakola n'emirimo egya ghaka gyonagyona.

Aye ebiseera bwe byabita, omusaadha yaakairika, ate yaalwala. Yaatandiika okweraliikirira embeera abaana be yebanaabaamu nga afiire. Baali tibasobola kwerabirira.

Yaayeta batabane, yaabakoba ati, "Obusika bwendi kubalekera ni zaabbu omungi akwekeibwa mu nnimiro edh'endhaghulo. Kale, kiri yemuli okulima mumwagaane."

Yaayeta ni balirwana yaabakoba ati, "Ndi kumpi kufa, batabane bange tibaidhi kwerabirira. Mbasaba mubalabirire okutuusa bwe banaasobola okwerabirira."

Nga omusaadha ono amaze okufa, balirwana baaghaaku abaana emere akiseera katono.

Abooluganda tibaayenda kwibibwaku zaabbu lata waibwe yeyabalekera mu nnimiro. Baasalagho beene baaja beerimira.

Baalima ennimiro edh'endhawulo, aye tibaayagana zaabbu.

Baatyama ghansi, owundi yaabuuza mwine, "Olowooza bbaabba yatulimba?"
Ole yaamwiramu, "Bbe, ndowooza bbaabba yali ali kukoba ati 'okulima,' ni zaabbu. Era bwe tunaalima enimiro, ni tusimba, ni tulimamu bulungi, tusobola okugaigaghala."

Kale, nga abalimi abandi bwe bakola, baaja baalima ennimiro edh'endhaghulo. Baasimba embooli na amaido, engaano no obulo, era baagaigaghala inho.