Yaliyo omughala ayetebwa liina Nasulumbi. Mu butufu, yayendhanga inho okusoma ebighandiiko bya mwanhina bwe yavanga ku isomero!

Ekiseera kye bwe kyatuuka, yaalira yaagezaku okukweka ebighandiiko ku bbaabba we. Aye bbaabba we yaabizuula. Bbaabba we yaaba musanhufu kubanga yaliyo omusaadha omugaiga eyali ayendha okubayiza Nasirumbi.
"Otansindiikiriza mu nhumba ya musaadha wange ku myaka gino emito," Nasirumbi bwe yeegayirira. Aye bbaabba we tiyakiikiriza.

Bbaabba wa Nasirumbi yamubuuza kye yayendha okukola mu kifo ekyokubayira. Nasirumbi yaamukoba nti yali ayendha kuja ku isomero nga mwanhina Moses. Bbaabba we yamusekerera busekerere.

"Lwaki oyenda okuja ku isomero?" Bbaabba wa Nasirumbi bwe yamubuuza.
"Bbaabba, nnhumirwa okusoma ebighandiiko bya Moses era ndi mwekakafu nti ndidha kukola bulungi bwondhikeriza okuja ku isomero zeena.

"Lwaki me Moses aja ku isomero?"
"Iye musaadha!"
"Bbaabba, nze tiri mwana wo zeena?"

"Nasirumbi, oli mughala wange. Alhaji Abudallah musaadha mugaiga inho! Aidha kukugha kyonakyona kyoyenda."
"Bbaabba, Nze tyendha mpiiya dhe! Nnhendha kuja ku isomero!"
"Oli n'okumubayira nga okaali kuja bugembe omulundi gwo ogwiraku," Bbaabba we bwe yamukoba era yeefulumira.

Emisana eryo, nga ava mu katale, Nasirumbi yasoma akatabo okuva mu bitongole ebitali bya gavumenti ebisikiriza abaghala okuja ku isomero.
Eky'omukisa gwe, ofiisi dhaibwe dhaali kumpi naakatale, kale yajaayo era yaabakobera buli kintu.
Baasanhukira ensonga ye era baamufunira pulida eyatiisatiisa okutwala bbaabba we mu kooti singa yali tamwikiriza kuja ku isomero.
Puliida yeena yaagezaaku okubona ati Nasirumbi takakibwa kubayira.

Nasirumbi yasobola okuja ku Isomero era yaakulemera ekibiina. Yafuna obuyambi okusoma amateeka ku Yunivasite.
Bbaabba we yamwenhuminkirizaamu inho era yenenia olw'okuba nga yali alemeseiza obughanguzi obwa mughala we.

Olwaleero, Nasirumbi mulwanirizi wa mbeera dha bantu. Ayamba abaghala abato abali mu mbera ndhala nga yeyalimu. Ayenda buli mughala ategeere nti wa mugaso nga omulenzi yenayena. Twenatwena twagayaga.