Awo olwatuuka, nga wabaawo omukazi. Yali kuva ira nga ayenda omwana.

Omukazi yatoola eitosi erisingayo bulungi lyeyali asobola okufuna. Yatoolera okukola omughala.

Omughala eyakolebwa mu itosi, yafuuka omuntu mwene omughala. Omukazi yatuuma omughala oyo eriina Gonza.

Omukazi yasangaala inho. Yagonzanga inho Gonza.

Gonza yalabulwa maamawe, obutafuluma mu kayumba kaibwe. Tiyawulira. Ininha, buli lwataabangawo nga Gonza alumukawo, aja kuzaanha nabaana bandi.

Lwali lulala nga Gonza ali kuluya alikuzaanha n'abaana abandhi, amaadhi gaatoolera okugwa nga mangi.

Abaana abandi baalumukira mu buyumba bwaibwe. Gonza bweyali alumuka, amaguluge gaatoolera okusaanuuka. Yakutama me yaatyama mu nsiko.

Abaana abandi baakobera bazaire baibwe ekyali kituuse ku Gonza. Baali banakughavu inho era baatya.

Omukazi bweyawulira ekyali kituuse ku Gonza, yaalira okumala ennaku kamaala. Ab'ekyalo baafuna omughala mulekwa aire mu kifo kya Gonza.

Aye ekyo kyali tikyetaagisa. Omukazi yali aidhakubona ekyewuunhisa eky'amaanhi!

Lulala obwire, omukazi yawulira okukonkona okugonvugonvu ku lwigi.

Omukazi yeewuunia ati, "Oba oyo ayinza kuba ani?"

Gonza yali aize. Yali akooye, era nga mulwaire.

Maamawa Gonza yatunda byonabyona byeyalinabyo. Esente edhaavaamu yaadhikozesa okwidandhaba Gonza. Gonza yakula yaafuuka omughala eyali nga n'asinga bulungi ku kyalo.