Awo olwatuuka, nga Wakamyu ni Wankembo baba baamukwano. Lulala mubiseera ebyendhala nga Wakamyu ayeta Wankembo aidhe amukyalireku bazaanhe batyo.

Wakamyu yakoba ati, "Tuzaanhe eby'okufumbagana!" Wankembo yaamubuuza ati, 'Ekyo tukikola tutya?"

Wakamyu n'okumwiramu ati, "Okusookera irala, tulin'okukuma omuliro."

Wakamyu yeeyongera yaakoba ati, "Twidha kwidhuza amaadhi mu nsugha memale tujite ku ziiko."

"Ninze anaasooka okuniinha mu nsugha. Bwe nkonkona ku kisandikira, nga ighe obwikula ensugha nga nze nvaamu." Atyo Wakamyu bwe yainhonhola.
Wankembo yaganha.

Agho Wakamyu yaaniinha mu nsugha, nga n'omuberyeberye.

Amaadhi bwe gaatoolera okusuugha, Wakamyu yaakonkona era Wankembo yaatoolaku ekisandikira.

Wankembo bweyaniina mu nsugha, Wakamyu yaata ogubaale ogunene ku kisandikira era yaagutyamanaku!

Amaadhi bwegaatoolera okutogota, Wankembo yaakonkona, aye Wakamyu tiyatoolaku kisandikira.

Wankembo yafa, era Wakamyu yalya mukagwa we nfiirabulago.