Lulala,Wakaduuyu yafuluma okwagala emmere. Yaayagaana Wandhovu eyali n'ensugha ey'omudheenene ogw'endhuki. Wakaduuyu yaasaba Wandhovu ati: "Ndhuna ombeekeku. Nnafiighe."

Wandhovu yaaganha okubeekaku Wakaduuyu. Wakaduuyu yeebeesa ku mugongo gwa Wandhovu yeegema yeekalangula. Butereevu yaatoolera okunhwa omudheene gwa Wandhovu!

Omudheenene gwatoolera okutoonha ku mugongo gwa Wandhovu. Wandhovu bwe yabuuza ekyo kye kyali, Wakaduuyu yamwiramu ati kyali kiri kuva mu ibwalye.

Baatuuka ku mwiga baayagaana embogo enkologho nga eri kunhwa amaadhi.

Wakaduuyu yaayenda okumanha awula maani ku Wambogo ni ku Wandhovu.

Baatoolera okutakana. Nga Wandhovu akoba ati naawula maani, nga ni Wambogo akoba ati mwene naawula maani.

Wakaduuyu yaakoba ati, "ndi n'engeri yenja okuzuulamu oyo awula maani." Agho yaabakoba bamuteegereku agho.

Wakaduuyu yaira n'omugugha omuleeyi. Yaasiba oluuyi olundi olw'omugugha mu nkende ya Wandhovu era yaamutoola gha mwiga.

Wakaduuyu yaasiba oluuyi olundi olw'omugugha mu nkende ya Wambogo.era yaamuleka kumpi n'omwiga.

Wakaduuyu yaalumuka yeegisa mu muti. Agho yaaleekaana ati: "Mwetegeke! Ndala, ibiri, isatu! Sika!"

Wambogo ni Wandhovu baasika. Wandhovu yaasika Wambogo.

Wambogo yaasika Wandhovu. Ghaabula aghangula mwine.

Agho Wakaduuyu ghe yeegisa, yaja mu maiso n'okunhwa omudheeene gwa Wandhovu.

Olumaliira olw'okumalagho omudheenene, yasala omugugha, agho okumpi ni Wambogo.

Wandhovu yaagwa ere yeekuba ku muti omukalangufu

Agho Wakaduuyu yaaja ye Wambogo yaamusaaka yaamukoba nga bwali ow'amaani okuwula Wandhovu.