Waaligho omuvubuka nga ni Mukose.

Bweyaweza emyaka 25 yaaganza omughala yebeeta Nairuba.

Baamala emyaka 3 nga bagonzania aye nga azira sente dhimala okumufumbirwa.

Lulala Nairuba yeeyagaana nga alimabunda kuba baali beegaita nga tibakozesa kiremesa kutoola nda kyonakyona.

Baazaala akaana akaghala baakatuuma eriina Keeru.

Aye Mukose yali akaasoma, ate Nairuba yali n'omulimo mu kibuga nga kiri ghalaku, kale baaba nga tibaghanga kuba ghalala.

Bweghaabita ekiseera, Nairuba yaafunayo muganziwe owundi. Oyo yaidha yaatoolera okuba ni Nairuba ni kaghalake.

Mukose yawulira mule nga amenheike omwoyo. Yalira inho olw'okuba nga yali ayawuliibwa ku mughalawe.

Ebiseera bwebyabitagho, Mukose yeena yaafunayo muganziwe owundi. Baatoolera okuba aghalala aye tibaazaala baana.

Buti Keeru yali tayenderaku irala Bbaabbawe omuyaaka. Yali amukubakuba era Keeru yali munakughavu inho.

Keeru bweyaweza emyaka 12, ininha yaasalagho okumugheereza aje abe ni lata we mwene.

Agho Mukose ni Keeru bombi bairamu okuba abasangaavu.