Eira einho, ghaliwo omusaadha omugaiga nga alina abalenzi babiri. Omugaiga yaghandiika ekiraamu nga Mutabani omuberye wa kutwala ente dona dona. Era nga omuto gha kutwala mpanga yonka.

Oluvainhuma, omusaadha yafa, mutabani omuberye yaatwala ente dona dona. Omulenzi owo okubiri yatwala mpanga yonka.

Nga ghabiseewo akabanga, omulenzi omugaiga yalwala. Yaja ewo omusawo okwebuuzaaku kiki kyabe akole okuwona. Omusawo yakoba,"Ita enkoko eya langi eyendhawulo.

Omulenzi omugaiga yali taidhi wakutoola mpanga ya langi yandhawulo. Yaidhukira empanga ya mugandawe. Yaatuma abantu eri mugandawe.

Mugandawe yabakoba, "Empanga eno yenina yonka. Aye bweba esobola okuyamba mugandawange, mmala gagifiirwa." Yagighaayo no omwoyo mulala.

Abantu baagimaanha omunhu bagugha omulwaire. Mugandawe yawona.

Nga ghabiseewo akaseera, ekikangabwa kyatukawo. Omubiri ogwomugaiga gwainhama okumeraku amaghagha.

Tiyakikiriza.

Yaja mu bakaire. Baamukoba, "Bino n'ebiva mu butabisa mugandawo bukalamu. Otwaire ente dona dona ne empanga latawo gyeyamulekera." Abakaire baakoba omulenzi omugaiga, "Okuwona, mugandawo alina okukusonigha."

Abakaire Baamukoba, "Twidha kutwala ekikomo kino egha mugandawo. Bwanakafuudhaku, oidha kuwona."Nga akabonero ako okusonighibwa

Abakaire baatwala ekikomo ye mugandawe baamukoba, "Kifuudheku osonighe mugandawo." Yakifuudhaku.

Noolwekyo, abakaire baasalawo okugha omulenzi omwavu ekitundu kunte edhomulenzi omugaiga.