Myaka mingi ejabita, Waidolome ni Walulenga bali bakindhe. Lwali lulala basalaawo okunonia abaghala mukibuga.
Walulenga yali n'ensaalwa ku lw'emboneka n'okumyamyasa kw'olususu lwa Waidolome.
Walulenga yabuuza,"Ghakola otya okuboneka obulungi? Nningaku, mboneka bubi inho. Kiki kyensobola okola ku lususu lwange?"
Waidolome yakoba,"Wulirisa! Ta amaadhi mu nsuwa omale ogate kuziko. Ekiiraku niighe onamanha."
Aye Walulenga yakoba,"Ekyo mbaire nkidhi, nkidhi. Bwikaku, mukwano gwange."Era Walulenga yaavaawo.
Walulenga bwe yairayo eka yataaku amaadhi mu nsaka ku ziiko.
Amaadhi bwe gatandiika okutogota, Walulenga ono yeesuulamu.
Olususu lwa Walulenga lwa babuka era n'omukira gwe gw'akutukaku.
Mukifo Walulenga okuba omukudhukudhu era aboneka obulungi nga Waidolome, kabiri yaboneka bubi inho!