Agho olwatuuka, eira einho, ghaaliyo akaseera ake endhala. Wampiti ow'amagezi yeefuula okuba omulwaire nga tasobola na kufuluma.

Ba wansolo ni ba wansolo beesombera mu maka ge okumugumya. Aye kuboona boona ezira yafuluma!

Mu malya age ky'emisana, Wakamyu yaatuuka. Yeena yaaghulira nga ateekeirwa okukyaliraku Wampiti.

Yajiira irala kumpi n'empuku ya Wampiti. Aye yeekanga, era yaabona ebigere eby'ensolo edhindi nga dhingiire, aye nga ezira kudho efulwime.

Era yaasigala kuluya era yaayasiikanira ghaigulu, "Muli mutya eyo?" Yaawulirisa.
Muli balamu, mikwano gyange emirungi? Muli kwiraku engulu?"

Wampiti yairamu ati, "Tiweeralikirira, mukwano gwange. Ingira obeeku ghano ninze!"

"Oo, Tiri mwetegefu kwingira omwo. Bwenebwene, nzira biseera saawa dhino, ate oli naabageni kyodo..." atyo bweyairamu.
"Mbe, mbe, Wakamyu, buli kintu kiri bulungi. Muno muzira muntu yeenayeena. Ti kirungi kuba ghano nga ndi mulwaire ate nga ndi zenka."

"Oli kulimba! Ndi kubona ebigere ebya ba wansolo ebindi ebingiire nga bikaali kufuluma."

Wampiti yaasirikirira! Wakamyu yaamusiibula ati, "tunairangamu,mukwano gwange, Ndhuuba nti ndha ku kucaaliraku olundi."

Wakamyu yaalumuka okuva mu kifo ekyo yaabulagho!