Nkulamwisa inho mukagwa, ninze Naigaga. Ndi mughala muto ng'abaghala abandi, okutoolaku nti ndi ni Wangoina omusaadha mu mubiri gwange. tosobola kumubona aye ndidhi alimu. Eriina lye ni Musenze Omubi. Yeekweka mu mubiri gwange era ghazira buzibu bwonabwona bwatuusa ku mikwano gyange.

Taidha kuva mu mubiri gwange naidha mu gugwo olw'okuba otyaime kumpi ninze, oba oti ongemye ku mukono.

Taidha kuva mu mubiri gwange naidha mu gugwo nibwolya ninze eky'emisanakyo, oba okulambaala ninze ghansi nga tuli kughuumulamuuku.

Wangoina wange, Musenze Omubi, abaire ninze okuva lwe nazaalibwa. Ayenda okulya buli mu isirukale alwanhisa obuwuuka obuleeta endwaire mu mubiri gwange. Bw'abalya mu bungi, ndwala naaba bubi inho. Agho mba tisobola kuja ku isomero n'enzaanhaku ni mikwano gyange

Ndi n'okumira obulezi bwange buliidho ku saawa ndala edho. Bwentakola ntyo, Wangoina wange asitukira mumbeera embi era yaalya abaisirukale bange. Ekyo tyenda akikole, n'olwekyo ndhidhukiza Dhaadha wange yampa obulezi mu kiseera ekituufu kyene.

Bwe ndya emere enungi ng'eiva eisoga n'ebibala, abaisirukale bange bafuna amaani baaleemesa Wangoina ono okubagema. Ndowooza aja yalambaalamuuku kubanga mba n'amaanhi gange bulungi era nairamu okuzaanha ni mikwano gyange.

Dhaadha wange abaire yaakantwala mwirwaliro era yaafunayo ekirungo ekyendhawulo ky'okuliisa Wangoina wange. Kimulambaaza yaalemeererwa okulya abaisirukale bange. Aghooni naasobola okukola ebinnhumira byonabyona abaana abandi bye bakola, ng'okuniina emiti n'okukina.

Dhaadha wange mmwenda inho. Mulungi ate andaga ekisa. Andiisa emere enungi era afaayo inho okubona nga mmira amakerenda ga vitamini agayamba abaisirukale bange okuba n'amaani okuziyiza endwaire mu mubiri gwange. Bwe ndwala antwaliragho mu irwaliro, naafuna obulezi naawona. Mpulira bulungi bwa ntyamisa ku bisambi bye yansomera enfumo nga nkaali kuja ku buliri kulambaala.

Dhaadha bwamala okuntwala ku buliri, ndowooza ku bintu bingi. Ndowooza okusomeraku ku isomero einene. Bwe nneeyongera okumira obulezi bwanga obulambaaza Wangoina wange, ndhakulabirira Dhaadha wange era mmusomerenga enfumo mu bukairebwe nga takaasobola kubona bukalamu. Bwe nnaaba omukazi nga nkuze, nandyenze okusoma. Nnhenda kuyamba nzuule obulezi obunalambaaza ba Wangoina mu mibiri gy'abantu abandi nga takairamu kusituka.

Ndidha kwe mmanhiriza okubaagho ni Wangoina wange nga mmulambaaza inho nga bwe kisoboka. Ndhakuba n'emikwano mingi nga bwensobola. Era nkole ebinnhuira buliidho nga bwe nsobola.

Dhaadha wange, ba songa ni ba bbaabba, n'emikwano baannhenda ghaire ndi ni Wangoina ayetebwa "Omusenze Omubi" mu mubiri gwange.