Mu kibira ekye Miiwa, yaliyo enkembo eyali enakughavu. Kino kyali kityo kubanga buli kaseera bwe yazaalanga omwana, nga afa.

Obulumi obw'okufiirwa omwana we, bwa mufuula obutaba muteefu. Nga atuuma bwaika. Nga ayinza okutuumira ku lusaga lulala, yaira ku lundi. Yainhama okulira, "kwi! kwi! kwi!"

Buli kiseera Wankembo yali munakughavu. Okusingira irala nga abwoine ba Wankembo abandi nga bali n'abaana.

Wankembo omunakughavu nga atyama ku lusaga. Enaku dhabitagho ku nga akaagegenga butalekera.

Aye yamala yaazaalayo omwana owundi. Yaasalawo okumutwala ku njira. Ababise bamubone era baamwendeza ebirungi.

Wankembo yaaninuka okuva ku lusaga yaata omwana ku njira. Mu kaseera ako, omuyiiza yali airayo eka, yaabona wankembo omunto nga agalaamiriire ku luuyi lw'engira.

Omuyiizi yaasitula wankembo omuto okumutuusa mu ndhu ye. Omuyiizi bwe yatuuka eka we, batabane abasatu baayenda okulera Wankembo omuto.

Abalenzi abasatu baatandiika okuzaanha bwe bemba. "Baamusuula ghaigulu! Baamusuula ghansi! Baamusulika! Baamusulika!"
Wankembo omuto baamusuula okuva ku wundi okwira ku wundi.

Abalenzi bano abasatu bwe baazaanha ni wankembo omuto, maama waayo yali nga yeekweese mu muti. Yali nga ali kubabona. Yali nga ali kutya ati, "noono omwana yeena ayinza akufa, nga bwe kyali ku bale!"

Mukazi w'omuyiizi yaidha yaabona nga abaana be bali kuzaanha ni wankembo omuto. Yaakoba, "Mube beegendereza! mumuleete ghano. Mwidha kukasuula.

Yaata akakembo akato mu nkwawa dhe, yaakawa omukisa.

Muka omuyiizi yaata wankembo ghansi. Maama waayo yaidha yaamubbedha. Yeekweka mu kibira. Okuva n'olwo, obwana bwayo bwonabwona bulama.