Abel timî ǀon hâ axa-i ge ge hâ i kunirosa ge kurubasen hâ iba.

Abeli ge ǁîb di ǀasa kunirosa ǃnari-ao e ge ūhâba tama hâ i. ǃGâsas, Merisab ge ra mîba ǃnari-ao eb ǂhâ hâsa. Sa popisa mā te.

Meris ge ǂgao tama. Abeli ge ǁaixa tsî popisa tsubu tsî ge ǂgae si. Meris ge popis ǁôaba ge ǃhomǁnâ. O ra ge gere ǂgaegu. ǁNā ǀgaub ge ǁôaroba ge ǁnā.

Meris ge ā tsî mamasa ǁga ge ǃkhoe. Kō re, mamas, Abeli ge ti popis ǁôaba go ǂkhôadi. Ti popisab ge goro ǂgaeǃao ǂgao, xawe tita ge ǁîsa ǂhâba hâ ǀhuru-ū si ta nîga.

Os ge mamasa, "Abeli ge ǃgâi tanisensa ūhâ tama hâ," tira ǂanǃgâ.

ǁGûs ge matis nē axaba nî ǁnama, îb tâ ǀgôas popina tsâǀkhā,gere ǂâi ǃgâ.

Os ge ǀhōsab, ǀaedī-aob taw age sī ǀawe-ôa. "Hui tets nîsa ta ge ra ôa!" tîmî. Ob ge ǀaedī-aoba, "Mati ta a hui si ǁkha?" tira tî.

Os ge ǁgûsa ra ǃeream, "Ti ôab Abeli ge nētsēdi ǃnâ ǁgai tanisensa ra ǁgau. ǁȊb ge ǃgâsaros di popis di ǁôaba go khôa. ǁNāsab ge dī tide!

ǁAri ta ge nî mîba bi îb sa tawa ǀkhī-ū ǁnā popis ǁôaba îb mâi-oahe."

Toxoba mîba re Abela îb matare dī-ūnus ǃaroma. Mari-eb ge ganube ūhâ tama hâ. Ob ge audosa nî ǁāba tsi."

Ob ge ǀhōsaba âi tsî ge mî "ee-ee, ǁnās ge nî ǃgâi ǀawe," ti.

ǁGâus ai oa-sī tsîs Abela ra dî, "Tsûts kas, ǀaets kas hoasa mapats ra ī? Ob ge Abela ǀaedī-aob ǁga!" ti ge ǃeream.

Ots ge nē popis sats go ǁgapasa nî ū îs sī dī-unuhe.

Ob ge Abela popisa ū tsî ǀaedi-aoba ge mā. Nē popis ge tsû hâ. Ti mas ge a ta sa tawa ǀkhī-u, ti go mî.

ǀAe-aob ge go ǃkhō-am popisa dī-unusa. ǀAsa ǁôab ge a mâihe ǁkha.

ǀAedī-aob ge ra mî popis ge ǀasa ǁôaba go hō. Ots ge nî matare. Matikō-ets ūhâ?

Ob ge Abela, toxopa, ǀaedī-aotse, mari-e ta ge ūhâ tama hâ. Nē sîsenni ǃaroma ta ge matare tsi ǁoa.

O a ǂhanu, to audos ge kaise a ǀurisa! ǁā si, ots ge go matare te!" Xawas ǀoa ǁgami tsî ǃanu la-eb ge go māhe. Kaise ge ǁaeba ū ǀurisa ge ī audos a xui-ao.

Popisab Merisa go māǁnâ. ǁȊs ge ra ǃgâia-ǂgao. "Sats ge a ǂkhanu-ai ǃgâsa!" ti. Ob Abela ǀûbasa ra ǂgan, ǁgapaǁaegu te re ǁaixa ta go hâ i ǃkhaisa tsî ta go ǁaorase tsâ kai si ǃkhais ǃaroma. ǁNātsēsa xub ge Abela ǃgâsas xūna ge tsâǀkha tama hâ i.

Tsîb ge gere dī tsâ ǁkhawab ǁîs ǀkha ǁaixa tide ǃkhaisa.

Abeli ge ǂâis ǃnâ ge ǃkhōmâi mâti ko ǁaeba i ge ūsa ǁnā audosa ǁāsa. Tsîb ge ǁîb ǃnâ gere dîsen, "ǂHâbasa i ge ī, ǁaixa ta nîsa tsî ǀnî khoe-i di xū-e khôasa?" timî.