Omwakibira ekye Miwa mwabya mwikere engende eyiwithe obulighe bunene. Eki kyaletewa erikwirwa obuli mwana waghuoyuwabwa akabuthwa inyakaholha.

Obulighe obwerikwirwa abana mubwaleka engende iyabya yikaghulhuka ghulhuka eyighulu nahisi haghuma nokwamithahi yemithi iyine mulira 'kwi, kwi, kwi!'

Obulighe ibukayongera yikalhangira esindi ngende nebyana byasyo.

Engende eyabya yiwithe obulighe eyikikalha okwa muthahi owomuthi muyarira ebiro binene.

Neryo mwabutha kandi. Mwathwamu erihira omwana yomo nzira abandu abakalaba banga mulangira, kandi iba musunzira ndeke.

Engende muya-ghenda ahisi erilwa okwo muthahi owo muthi neryo yamahira omwana wayu omwa nzira. Okwo ndambi eyo omuhighi, inya kayenda eka wuwe. Mwalangira omwana wengende inyana ghalamire okwo musike owe nzira.

Omuhighi mwaheka omwana owe ngende eka wuwe. Neryo omuhighi abere ahika eka wuwe,abana bukuwiwe abalwanabasathu mubanza eriheka omwana we ngende.

Abalwna basathu mubsatha ibanemwimba, "Usa eyighulhu! Usa yeyikwa! Usa eyiri ingye! Usa eyiri olya!" Omwana we ngende mwa ghulhukibwa omwa milhulhu erihwa okwo mwana nokwo ghundi.

Abalwana abasathu babere banemusatha nomwana we ngende, mama we ngende mwa bisama omwa muthi. Inya nemulangira abo. Mwakwa obuba indi nomwana oyu anga naholha ngabandi.

Neryo Muka omuhighi mwasa amalangira abana biwe ibane musatha nomwana owe ngende, neryo mwabugha ath, "mughitheghaye! Mulethe yahanu, muke thinirayo!"

Mwimya omwana we ngende omu byala biwe kandi amaha yomuyisa.

Muho muhighi mwimya omwana we ngende amahirayo ahisi. Neryo engende muyimya omwana wayu yamaghenda omwa chibira. Erilwa nery, abana bayu bosi mubalhama.