Hale hale, waliwo omushaani yiibalanganga Jallo.
Jallo yali sawulirisa abasade baye.
Abandu bali bamanyire mbwe ono mwana yebishanga buubi.

Lwali ludalo Jallo nende ngina nibacha ohushalira abehobawe mushalo.
Nibatawawo engo, abehobawe bababa esirabo.

Bayiira Jallo nende ngina hu misala cheebyamo chomushalo shosi nibabafukirira ohuyira esyamo shosi sibekomba. Ohutusaho omusala kwomuyembe.

Mundalo, Jalllo yabona omusaala kwomuyembe omuhongo nende emiyembe mingi.

Jallo yali musangafu ohubona emiyembe mwengu mingi. Yahengawo ohunoka mulala.

wankubade Jallo yali asabibwe obuta noka humuyembe, yahaya ohuwulirisa.
Yabola,''shoosi esineholehe, sheholehe,ndaha ohulya omuyembe.

Ngina yamuhubirisa handi. Naye yahaya ohumuwulirisa.

Ohulyaho humuyembe, enda yachaka ohumuchuna.

Jallo yawulira bubbi. Yaachaka ohulira. Omutwe kwaye kwachaka ohusimba.

Awo nende awo, omusala kwomuyembe kwachaka ohula mumutwe kwaye.
Jallo yafuha omusala kwomuyembe.

Ohutula hwolwo,buli lumundu adira hu masaga komusala kwomuyembe okwo,kwemba olwenbo.

Omusala kwemba,''Buli atawulirisa abahulundu, acha ohweyichulisa. Ndafula Jallo nga eshohuboneraho.

Nilwolusiri, handi nilwo lubandu bakesikesi babola,''Buli ahaya ohuwulirisa abahulundu,yechuhananga nasheyichulisa.