Okwali pena okamatyona kamwe edina lako Abel. Abel okwa nduluka po okatemba kaye kokudanauka.

Kali nee ena omushingi wako. "Onda pumbwa omushingi wokatemba kange. Kwafe nge okapopifa koye ke uye ka shinge ko." Abel osho a lombwela mumwaina Meri.

"Aaye, oha ndi danauka nako," Meri osho a nyamukula. Abel okwali a handuka eshi Meri ina hala a kufe po okapopifa kaye. Okwe ka kwata ashike ye ta hovele te ka shili.

Meri naye okwa kwata kokwooko kukwao kwokapopifa ndele naye ta shili. Opo nee veli opo ta va kondjele okapopifa, lunga okwooko kwako ta ku tokoka ko.

Meri okwa hovela ta kwena, ta lotokele kuina ta ti: "Meme tala eshi Abel a tokola okapopifa kange okwooko! Okwali a hala ka ka shinge okatemba kaye ashike ame okwali nda hala oku danauka nako."

Ina okwa nyamukula ta ti: "Abel okwa ninga nayi."

Meme okwa konga ondunge a longe Abel oshilongwa opo a ha kume vali oidanaukifo yamumwaina.

Okwa ya kukahewa kaye womundokotola ndee ta ti: "Onda hala u kwafe nge kahewa." Ndokotola ta pula "Oha ndi ku kwafele ngahelipi kahewa kange?"

Meme ta nyamukula, "Abel ite li humbata nande nawa mafiku aa. Okwa tokola ko okwooko kwokapopifa kamumwaina.

Mongula ohandi mu lombwele e ka ete kwoove opo okwooko u ku hondjele ko."

"Shama wa mane, ove to mu pula ofuto. Molwaashi kena oimaliwa yo ku futa, mulombwela a ka koshe otuwa yoye inya yakula hai kala alushe ya twima."

Kahewa kaye okwa yola "Hahahaha! Ondunge iwa lela!"

Ina yaAbel eshi a shuna keumbo okwe mu pula ta ti: "Ngeenge to ehama ile wa mona oshiponga, oho i peni?" Abel ta nyamukula ta ti: "Ohandi i kundokotola."

"Oove wa ehameka okapopifa, onghee oove una oku ka twala kundokotola."

Abel okwa kufa okapopifa ndele te ka twala kundokotola. "Okapopifa aka oka ehama neengho. Meme okwa ti nandi ka ete kwoove. Oto dulu mbela oku ka ningila okwooko kupe?"

Ndokotola okwa dimina a hakule okapopifa. Okwa pondola oku ka ningila okwooko kupe.

Ndokotola ta lombwele Abel ta ti: "Okapopifa onde ka ningila okwooko kupe. Paife futa nee. Ouna po ingapi?"

"Ndokotola, ame nghi na oimaliwa. Itandi dulu oku ku futa eshi wa hakula okapopifa," Abel osho a nyamukula.

Ndokotola ta i mo ta ti: "Uhena oimaliwa? Otuwa yange ei ya kula oya kaka nayi. Ofuto yoye oku kosha otuwa yange."

Abel okwa kufa okavela komeva noshilapi shiyela. Opo nee a uhala opo ta kosho otuwa shaashi oya kula yo oya kaka nayi.

Abel eshi a mana okwa twalako okapopifa kaMeri. Meri okwa li a hafa unene eshi a mona okapopifa kaye, "Ove omukulu muwa. Onde ku pandula eshi wa hakulifa okapopifa kange."

"Meri, ombili eshi kwali nda handuka, naashi nde ku udifa nayi."

Oku dja opo Abel no ina kuma tuu vali oidanaukifo yamumwaina. Okwa tokola nokuli e hemu handukile vali nande nande.

Abel oha kala alushe noku dimbuluka nghee a uhalele ta kosho otuwa yaNdokotola, nokwa ninga etokolo kutya ehandu loku teyaula oinima, iha li eta po sha.