Ikare macon mukato angec, ono tye lacoo mo ma kilwongo ni Kiundu, igang Nyamani. En maro cam tutwal maloyo ne en aye ringo.

Nino mo acel, Rwot me Nyamani olwongo dano ki icaro ducu me bino i nyom maleng pa wode

Kiundu owinyo dano ka loko pi nyom maleng mukene. onongo tye igang mukene ma cok cok ki lwongo ni Katumbi. Kiundu otamo ni, nyom maleng aryo i nino acel!

"Wanga abedo inyom aryo ducu," Kiundu otamo. "Mugwongo abiceto Katumbi kadoki abidwogo Nyamani."

Kiundu opuk kwa piny oceto igang Katumbi. Muo kunu onongo lutedo pud gitye katedo. Kiundu omoko tam ni, "abidok gang Nyamani kadoki abidwogo kany lacen."

Kiundu ocako dok Nyamani matamo ni ringo dong ocek. kec dong ocako neko. Muo kunu onongo lutedo pud bene tye ka tedo.

En otamo, "ma aweko Katumbi onongo lutedo pud gucako tedo, kombedi dek omyero bed dong ocek." ci Kiundu odok cen Katumbi. Onongo dong kec tye kaneke matek tutwal.

Ca ma Kiundu oo Katumbi, onongo dano ducu dong gucamo woko. Wele dong gi tye ka mino mot bot luyom. Kiundu onongo petye ki mot mo me amiya, ento onongo mito cam keken

Kiundu obedo kicwecwing medit me keng dek. Ci en ocako wot me dok cen gang Nyamani. Onongo dong kec tye kaneke matek tutwal dok bene ool ci dong woto mot mot

Kare ma en dong oo gang Nyamani, onongo dano dong gitye Ka myel ki yom cwiny ki wer kujera. Pien onongo dong gutyeko cam woko liweng.

Kare ma en owinyo ni cam dong otum, Kiundu opoto piny owile woko. Pien okeng ringo ikarama aryo weng. Ikarema Kiundu onongo keru, omato nyuka matidi tidi ma no tye ii kikopo matidi!

Lacen, Kiundu owoto ki keceni odok gang.