Iira kara buli, akabaho ekiihe kyenjara omukichweka kya Fommbina. Abantu kikabasindika omu biswa kuseera ebyokulya.

Hakabayo omusaija omu akaba atakusobora ku kufunira ekka ye emere. Kiro kimu, akagambira mukazi'we ati, "Kangende nseere ebyokulya." Yagenda.

Ataroho, omukazi we akaba atakusobora kulinda amagaruka ge. Habwekyo, akachumbira abaana emyongo eyi yabaire aihire omwa nyina we.

Iba we akagaruka obwiire bugenzere, ataina kintu kyoona. Mukazi'we akamutangiira kandi yamukaguza, "Oyine ekintu kyona kyona ekya baana baralya?" Akamugarukamu, "Kwaha." Akamuhaho ha'myongo, kyonka etamwiguse.

Yahabuza, "Emyongo enu ogihirege nkanha?" Mukazi'we akamugarukamu, "Nyina nyowe ayahura emyongo ha kasolya kenju ye."

Saha mukaaga ze'ekiro, ibba okaimuka mu kitabu. Akachwamu okugenda ha kasolya ke'enju ya nyina zaara okwiiba emyongo eyabaire esigaireho. Akafuna eidaara.

Eidaara yaryemeeza ha'nju ya nyina zaara kandi yatemba ha kasolya.

Omusaija yatandika okutemba nagenda ha kasolya namberi emyongo yabaire. Omu'kutemya kwe'eriso akaraba omu'kasolya yagwa omunju, n'okuhinda okwamaani! Pararam!

Akemeera omubwangu bwa maani munno. "Salaamu alaykum, mukaikuru, tukuruga omwiguru! Ndi omu habakwija. Ninye asokeere, abandi bakwija," nikwo omusaija yagambire.

Omukaikuru akafuna'akafuna okutiina. Akafuna ekichwankenya.

Akairuka mpaka aharwigi nayenda kuturuka enju. Baitu omusaija omukukomya kweliso akaba aturukire enju omukaikuru atakabaire kugituruka.

Boona babiri nibacuura obuyambi, omusaija akairuka nagenda buturuka musana kandi omukaikuru akairuka nagenda bugwa musana.