Hano okambishi.

Hano okambwa.

Okambishi nombwa oya hala oku thaneka.

Okambishi nombwa oya hala okwi longa.

Okambishi nombwa oya hala okuhonga.

Ombwa oyo ya tameke.

Ombwa oya kutha opena nombapila. Ombapila oyili molupe wohuke ne.

Tango ombwa oya thaneke ongonga.

Ongonga oyo olutu lwo kambishi.

Wow, shoka oshipu!

Ta thaneke natango oohuke ndatu pombadha yongonga.

Oohuke mbali odho omakutsi gokambishi natango okwa thaneke oohuke oondudhe meni lyongonga.

Ohuke ndjoka ondudhe oyo eyulu lyo kambishi natango okwa thaneke omusinda pombanda yeyulu.

Paife ota thaneke omeho neethile isho tho kambishi.
Momeho gaali omuna uutsa.

Eethile isho o dhina omisinda mbali.

Wow! Shoka oshipu.

Ta thaneke okana kokambishi.

Omusinda ogo okana. Ota ka monika kafa ondada 'w' natango okwa thaneke omafufu go kambishi.

Omafufu gatatu kolulyo na gatatu kolumoho.

Oku thaneka okuli po kupwa.

Okwa thaneke omaako nomagulu gokambishi. Omaako nomagulu omisinda na tango ta thaneke ominwe dho kambishi.

Ominwe odho gonga natango okwa thaneke omushila gokambishi. Omushila omusinda ole.

Lwa hugunina okwa thaneke omayala kolutu lwokambishi nokwa mbambeke olutu lwo kambishi no lwala lwafa elemune.

Oku thaneka okwa pwa.

'Wow' Shika oshiwa nawa!

Paife olufo olo kambishi.

Okambishi oka kutha opena no mbapila.

Ombapila oyili molupe lo rectangle.

Tango okambishi oka thaneke ongonga.

Ongonga oyo olutu lokambwa.

Wow! Shika oshiwa nawa.

Paife okwa thaneke uudhidhiliko uyali pombanda yo ngonga.

Uudhidhiliko mboka uyali owo omakutsi gokambwa. No kwa thaneke ongonga onduudhe meni lyawo. Ongonga onduudhe oyo eyulu lyombwa.

Paife okwa thaneke omeho neethile isho dho kambwa.

Mo meho omuna uutsa. Eethile isho odho omisinda mbali.

Wow, shoka oshiwa nawa unene!

Okwa thaneke okana kombwa.

Okana oko omusinda. Ogwafa ondada 'w' no kwa thaneke uutsa wa dhingonoka nomulungu gombwa.

Utatu kolumoho nuutatu kolulyo.

Oku thaneka okuli po ku pwa.

Okwa thaneke omaako no magulu gombwa.

Omaako no magulu ogo omisinda, no kwa thaneke iipanyala yo kambwa. Iipanyala oyo uungonga.

No kwa thaneke omushila gombwa. Omushila ogwa fa ongala.

No konima okwa thaneke uungonga uuludhe ko lutu lombwa no kwa mbampeke olutu nolwaala olushunga.

Oku thaneka okwa pwa.

Wow, shoka oshiwa nawa unene!

Kalapo nawa kambishi.

Kalapo nawa ethano lyo kambishi.

Kalapo nawa ombwa.

Kalapo nawa ethano lyo kambwa.