Egongo eyo mu hitahere hya Watindi owiire siweeranga. Abaatu baŋenyuhanga lwa hundemba era batambanga hiisi olu basisimuhanga.

Opio gaali museere owendanga ohuŋiima. Semwana, sehulu wuwe n'abahoja babe boosi baali baŋiimi. Lulala Opio gaali musangafu bugali weene kuba njogwali omulundi gugwe omudaayi ohutiina ohuŋiima yenyene. Gaŋamba embwa ji je aja huŋiima Muhamanga hatotono heene nga embwa jifulumusa enjobe.

Opio nga alondaho, Nga aduluma esaawa enyene enyingi ngademba. Hiisi olugademba nga ngaŋumula. Nganindi kwatagiha. Sigasoboye hubona mbwa jije nesolo. Olufanguma lwenaku nyingiho goola muhyalo omugageene abaatu ni behaaye mumago gaabwe. E higahola galuŋamaho omulyango mulala ngaloma omweenemo ati, "Mbingire enjobe ehimanga hireeŋi. Nenda ohuŋolaho."

Omwene ŋanjo ngamulo ati, "weyihalire oŋumule. Wahendireho ahenge Opio gaali n'ganduŋo eyamaani era ganaaŋa ahenge ganywaho. Ng'a hena geŋenyuhira. Nigasisimuha gaali saabona Gafuta ohulimtula neeno jeriimba ohwola olujalimbuhira erala."

Ng'abona omusinde mumoni jenyumba. Owaloma omwenemo ati, "Wupaaye etiirtu tit nyo; kuba sikiibonabulaŋi." "Ng'omwenemo amulomo ati ŋatula higosi n, emoni jijo." Jahani wirire. Suwonanyaho owiireni wiira Omuusa ni; guŋwanŋo owiire njobugobolabo. Huli nesaawaehuumi nebiiri ejowiire. Owiire huŋuumula omuusi hutamba. Omenyire ŋeenawe? Ewenywe siwiire?" Opio gabuusa ebibuusa ebyeene ebingi ebiŋa mba hu wiire. Nga emboosi emunyoonya bugali weene. Nga n'ero ligota muomni Nga bahyeesa n'omwenega nibaloma. Hino hyagerire Opio gegomba asigaleho ŋango ayo awoneho owiire ni wiira nudi."

Ne genyoha owiire nibuteera. Gasuunga omwene mago engeri eyaŋanga ohuŋiraho owiire muhyalo ehyewabwe. Opio gendeyeho abaatubewabwe boosi ohubonaho owiire. Omwene mago g'amuŋindiha yiwomwami abe njo mulomera. Omwami galoma Opio, "ŋamba engira otiine ewenywe egulo lino. Ne otahejayigongo. Siinga gaheja egongo owiire wahaŋoyeŋo. Siinga galuŋama huluŋama natahejire yigongo owiire wahamulodire."

Ehyo njehi Opio gahola. Gatiina buleeŋi egulo eryo ewabwe. Gendire bugali ahejeho egongo Ne sigahihola. Goola ohubona ewabwe nabameeri babe.

Abehitakere hy'Opio nibamuweene, bamutiiye. Batagiha huhubba ogwayu, "Hiina ehyuletire? Ehyo ehiri huhulonderesa hiji hutwiita!" Olwobuti wabahye, Opio yeesi obuti wamuŋamba. Nga wangewe aheja egongo hu wiire. Ayoni naaŋo nga owiire bugotaŋo.

Opio gaali munyiigi bugali weene olwobwiire ohugotaŋo. Nga'aloma abehitakere ohutatya. Nga'abaloma ati owiire sibubi. Buja hutuyeeda. Huja hubanga n'omuusi n'owiire. Ndi n'ohwagama ndeete owiire nudi. Enjase nibaŋo hutagiha ohutambane owiire nibwola huba huŋuumula. Enywe mweŋendehereeye heesi tyo. Ne munaheege ohwenda owiire.

Yino nj'engeri eyi wiire wajamo muhitahere hy'Opio.