Ewu ndra agape 'bo 'disi ini ndra opio pi vile angua yo. 'Ba yi ndra o'duko yini ande ri si kaniku yi ndra azi nga yini angale 'boria.

O'du alu, ayyiko fu opio ni tu agara erini ovule eri ma paleko oko dori bizu a'dule ri si. Opi 'du ima oco 'di yi ki ra ku di angu yi vileri te. Sawa were ma vutia, eri ma oco e'do 'yere odro. Opio bi yi ma vuti. Nzu sawa ezu. Etu dria erini andele 'boria, eri avali. 'Da ma vutia eri nzu dika. Awini 'ima oco 'di yi esu ku.

Od'du tre ma vutia, emu pari azi 'ba were ni orizu yi vile katia ria. Mu aku azi ma tia, yo di eyini, ''ma odro 'yere o'du tre, eyo ni si ma ande saaru tu. Male avali.'' Aku 'I nga 'yo, mi ri va ande li. Mi le ewa ra ya?'' Yi ma ava ni eri nde tu risi, mvu azini ra. Da ma vutia mu o'duko.

Kamu enga 'bo, econi angu ndre ku. Nzi azini opi 'I ma mile pale tre. Indikindi e'do agupi 'di ri ndre jo ma drilia. 'yo eyini, "ife mani afa azi onzi tu ni. Ma eco angu ndre kilili tu ku." Jo ma eyi nga, "Eyo azi onzini mi be yo. Angu ni di 'bo. Mi ndre nga mi edria ini ku ya? Etu ni pari ku ini dri. Ama ma sawa ini ni ri mudra eri. Ama avali inisi azini azi nga etu si. Mi aa ngoa? Ini emi vile angua yo ya?"

Opio ozi zita karakara ini ma dria. E'do di ini le tu. Econi di o'duko dika ku. Opi pi ini ma eyi be nze eyo kpere obiyisi. Opio le ndra aa o'du azi alu dika erini ecozu ini nezu emu dika.

O'biti si zi agu 'dii 'ini ecozu ini jizu yi vile angua ri ecezu. Le ndra 'ba yi vile ni ma ndre ini. Opi yo opio erini ma mu eyi vile angua drusi ondresi. Ma ndre angu vile agua vile ku. Ka angu ne vile ini ni nga dri atri vile te. Ka ngu ne kpi ima drilia, ini nga eri ma vuti bi ra. Ika angu ne vile, ini ni nga avi ra.

Opio ye 'bani ecele idri 'dile. Dru 'dini ondresi, e'do di mu kala aku yi vu ria. Le iye angu ne 'ima vutia. Te awini ne ku ye.

'Ba 'di yi kamu opio ni ndre 'bo, ori bi yi tu. E'do otre o'duko oru si, "Opio, mi eji 'dini a'dunia? Afa mi vuti bi pi 'di nga ama 'di ra." Opio 'yo, "Ma agii, afa ma vuti bii pi 'di 'ba omve "ini" Imi ori si. Ma ovu ndra vini ori si imile pale oko ri si."

Eri nga ovu amadri orodri ru. Etu ka eca'bo ama azi nga azini ini ka eca'bo ama andeli.

'Di ri di geri ini ni ecazu opio vile angua ri.