Inyom igen tso ichegh za kpoghuloo. Ichegh za taveraa zan zan uifi uma ta ikyembegh, mase shi di Ifi U Iveren tsegher lu a mngerem ye.

Mbanyam cii imura kor ve tso ve loho mtem.

Alakumi lu or u hiihii u oron kwagh,"Er ne fe nahan, se cii se mba imura. Uifi chicha uma ta ikyembegh mase shi Ifi U Iveren thsegher. Kpa shi a gba icha kpishi. Nahan se er nen nena?"

Nyinya va a mhen er,"Se mbagenev se za shin Ifi U Iveren. Se za ma shi se kese se hide a min sha ciu mbagenev".

Bua na ikyar wen er,"Ijiir la gba cha. Shien u se za hide ne, mba se undu ve ken jime cii vea kpe imura."

Iyongo kaa er, "Maa! Maaa! Mo me za shin Ifi U Iveren me za ma mngerem."

Ivo tsuwe sha kaa er, "Meee, meee! Mo kpa me za shi Ifi U Iveren iyol yam."

Ikyegh Kaa er,"Kooo ko koo! Mo kpa me za iyol yam me za ma mngerem."

Mbanyam cii soo u zan. Alakumi hemen ve gbenda.

Zende la yina a or ga. Ikyange u mase ityo sha nongo la vaa iyor er, "Ahuraior am, mo me kera fa zende ne ityo ga."

Ikyegh gema mena Ikyange.

Mba ze kpuaa yo, Ikyegh kaa er,"Mzamber ne. Mo a vor. M kera soo u zan shin Ifi U Iveren ga."

Iyongo gema mena Ikyegh.

Er Zende nyor iyor yo, Iyongo kpa vor. Iyongo kaa er, "Mo me kera za shin Ifi U Iveren ga. Ivo gema mena Iyongo.

Icha gba ga tso Ivo kpa vor gande. Nyinya geme mena Ivo,

Nyinya kpa va ver ka ganden un yo, Bua gema mena un.

Zum u Bua kpa va vor gande u zan ken hemen yo, Alakumi gema mena un.

Er Alakumi lu inyam i masetyo yo, a nongo sha afatyo na cii u nyoron shin Ifi U Iveren.

Er a vor tsung nahan kpaa, a mase za nyoron.

Zum u Alakumi za nyor yo, a yav nya ma s sua Bua.

Bua sua Nyinya. Nyinya sua Ivo.

Ivo sua Iyongo. Iyongo sua Ikyegh. Ikyegh gema sua Ikyange.

Ka pe mbanyam cii fatyo ma mngerem shi Ifi U Iveren sha ijoughzwa je la.