Kare sana, botuko mbwarengeoo ase ekenyoro kia Opio. Abanto nigo barenge korara kobarosire nagokora egasi ekero babogete.

Rituko erimo Opio nigo arenge nomogoko omonene ekiagera nario ritang'ani riaye koinda ere bweka. Opio akarangeria chisese chiaye nakogenda koinda nachirochio. Ake igo chisese chiria chigachaka kominyokia engabi.

Opio agachibwatia. Akaminyoka chinsa chinyinge. Kera engaki aigwete orosire, nigo arenge gotimoka. Erio naende ominyoka. Chisese chiriachi kamosireria. Amatuko amange agaeta, agaika ekenyoro ase abanto baikaransete isiko yechinyomba chaibo. Akagenda ase enyomba eyemo nakoboria omonyene, "Nigo narenge koinda engabi egekaegetambe mbaka narosire. Enagania gotimoka ake." Omonyene enyomba egateba, "Ikaransa nse igaa. Naki nonywea amaru?" Opio nigo arang'ete sana igo akanywa make. Koruoo akagenda korara."

Ekero abogete, tanyareti korora. Agatema komiamia amaiso aye na koramokia mara amange korende wapi. Ake igo, agachaka korora omonto oria omonyene enyomba. Akamotebia, "Ekwang'a egonto ekebe sana. Tindi konyara korora buya."

Omonyene oria agateba, "Kende tikeiyo kebe naye. Bono iga mbotuko. Yaani tikwana komanya botuko? Ekero omobaso okoera, obotuko nigo bogosoa. Nigo tobwate chinsa ikomi na ibere chio'mobaso na ikomi na ibere chio'botuko. Nigo togotimoka botuko negasi twakora mogaso. Ng'ai omenyete, timobwati botuko kenyero kiaino?" Opio akababoria amaboria amange. Agachaka gwancha amairanerio abo mono sana. Agatiga korara naende. Ere nomonyene bagakwana mbaka mambia. Opio akagania koberaoo rituko rinde erinde anyare korora obotuko bonde.

Akarara mogaso. Korende akaboka obotuko botaraika. Akaboria omonyene oria amoorokie buna aranyare kobogoria obotuko boria gochia ekenyoro kiaye. Ekiagera nigo aganetia abanto baye nabarabwo bamanye obotuko. "Genda ase omogambi oito, nere oragotebie," omonyene oria akamotebia. Omogambi oria akamotebia atare mbaka ekenyoro kiabo obotuko boria bwarenge kobwatia. Tabaisa korigereria magega. Ekiagera aise korigereria magega, nigo obotuko borasire. Aise korigereria bosio bwaye, obotuko boria nigo bokomobwatia baka sobo.

Opio agakora buna atebetigwe. Agachaka koirana ekenyoro kiaye emarogoba eria yarenge kobwatia. Akagania korigereria magega. Korende tarigerereti. Akanya gosuka ang'e n'ekenyoro kiaye. Ake ake agachaka korora ekenyoro kiaye nabasani baye.

Opio akaigwa obororo. Agatebia abanyakenyoro tibabaisa kooboa. Akabatebia, "Obotuko tibori bobe. Koru bono ntonyare gotwara obotuko nomogaso. Goika ing'irane naende inchie kwoyia obotuko naende."

Opio akairaneria, "Abasani bane, egesunte eke nigo gekorokwa obotuko. Ekero omobaso ogochicha nigo togokora egasi nekero obotuko bogochicha, nigo torabe togotimoka na korara."

Naigo nabo obotuko bwaigete ase ekenyoro ki'Opiyo.