Kolong ang'orot eroko akwap ekitetana, arapito ng'imoru akwapit loger a eburangit, nabo aremito ng'ikito lukoyak kidiama nadis.

Anakwapit kana, ayei abwel nakoyen nakirion, nakeliling'an nabo tolilim.

Kwap abwel ng'ina ayakasi ng'imunio. Ayakar epei ng'akirim na erekinitae nalang'ir nabo arai loche loochi tarai lokabenan.

Na kaneni akwaar apei, ayei agiro naapolon. Apedonor akimilia tani kwap abwel. Atiakanasi tani nabo ng'akipi. King'olikis ng'imunio akwap alokidiama, ileleba ng'imunyenin ka ng'ayakinet ta ng'iborei lu a ng'akopir. Napei egolosi ng'akipi, abu kimuriak ng'imunio akibuses na apotu kesi king'olikis.

"Nyikipedori akiboikin nabwel nakirion tolilim na nabo," apotu tolimonokinos."potu apana kidiama eng'olikisi akwap alokidiama." "Kikokini ng'oni kilomi nakwap ai?"tolim emun loochi."kiliae ng'oni a ng'atorobwo yok a?"

"Nyikikianatar ng'oni ng'ikieny lu alokidiama kotere kiya ng'oni kwap, "Tolim napaekeng. "Nyikiliae ng'oni, kilosi a ng'akejen!" Loge apotu ng'imunio torioros. Irudakina apotu kisiakis akilulumar kidiama, kidiama, nakicha na alokidiama.

Napei enang'ete kesi kidiama ng'akipi, abu ibore nikatalaran tosubakin. Abu niita a ng'ikosiman kech tapak toliwor ng'ikosiman ng'aarei ka ng'akejen ka ng'imoyo. Alokwap ng'akies kech, apotu toruput ng'akan ng'aarei ka ng'imoyo.

Pe arai kesi nabo ng'imunio, na kaneni Ekile ka Aberu. Aning'olenakinosi kesi apotu tominakin.

"Kiduki awi yok kidiama emoru, "Tolim aberu."ataparach daang king'olikini akolong ejipuni nabo eirasi nikamonan anakawa yok." "kiyoki ng'oni ng'inya ka ng'ikito."tolim aberu. Nabo atoliwor ng'ipalon a Ng'ikieny ka Ng'imakatae.

"Bua," tolim Ekile."Apedori," tolim Aberu na eking'aren. Apotu toloto kaapei nakwap kech nakitetet.