Lulala, yaliyo omulimi mulala eyali ni batabane abato babiri. Baali beetebwa Waiswa ni Tenywa. Anti baali balongo.

Buli kaseera, abalenzi bano baatambilanga no omutyeere.

Ku luguudo olubitira ku nnimiro kwaliku Wansude.

Wansude yeena yayendanga inho okulya omutyeere.

Buli Waiswa ni Tenywa bwe baabitanga ku kibira, Wansude nga abatiikiriza.

Yaabakoba, "Obulenzi imwe, mumpe kye muli nakyo mu kiibo omwo. Bwe mutakimpa, Nd'ha kubakola ekibi!"

Waiswa ni Tenywa baatya inho. Baagha Wansude omutyeere era yagukaavuula. Wansude yaakoba abalenzi obutakobera ise ibwe.

Kino kyabaagho buli kanaku. Waiswa ni Tenywa nga batya okuloopa ye ise ibwe.

Abaana bombi banyaala buli lwa kyeire. Ise ibwe yakibona era yaababuuza lwaki bali batyo.

"Ku luguudo olugya ku nnimiro, ghaligho Wankembo. Atwaala omutyeere gwaife buli kanaku era yaagulya," Tenywa bwe yatimbuka yaalira.

"Akoba ati bwe tutamugha mutyeere, aidha kutukola ekibi," Tenywa bwe yakoba nga abboolooga.

"Lwaki timwankobera?" ise ibwe yaababuuza akana na akataanu.

"Wansude yatukoba ati titulina kukukobera," abalenzi bwe baakoba bombiriri.

Ise ibwe yabalingirira mu mmoni era yabakoba ati, "Tyabakoba nti timunkwekanga kyama kyonakyona

Waiswa ni Tenywa baidhukira ekyo bukalamu inho era baasiriikirira. Ise ibwe yabakoba, "buti ndidha kubeegeresa engeri eyokugemanu Wansude."

Waiswa ni Tenywa bwe bairayo ku nnimiro, baatwaala ne ekiibo ekindi ekibba.

Bwe baatuuka mu kifo Wansude ghe yayabalindiriranga, era yaidha okubaagaanana.

Wankembo yaabatiisatiisa. Yaabakoba, "Obulenzi imwe, mumpe kye muli nakyo mu kiibo ekyo. Singa timukimpa, ndidha kubakola ekibi.

Waiswa ni Tenywa baagha Wansude ekiibo.

Wankembo bwe yaigula ekiibo, okubwa ogunene gwatuumaku era gwa mulumaluma.

Wankembo yaalira mu bulumi era yaalumuka yesoga ekibira.

Okuva noolwo, Wansude tairanga.

Abalongo baakula baafuuka balimi bakugu.