Tene tene vyuũ ĩla nthĩ aaĩ nzaũ syĩĩma nene syakunĩkĩlĩtye nthĩ ta ĩvula, na mĩtĩ ndaasa yavikaa matunĩ.

Ĩũlũ wa nthĩ ĩno kwaĩ ndia ya kĩw'ũ ngilu na nthithu.

Nthĩnĩ wa ndia ĩsu kwaĩ nzoka ilĩ.

Nzoka ĩmwe yelinganĩtye ĩlaa ĩthungu na ĩlũmu, na nzoka ĩĩngĩ yaĩ nini na ndaĩna vinya.

Mũthenya ũmwe nĩkwethĩiwe na kĩtundumo kĩnene. Ũtisi nĩwamulikile ndia ĩsu mbaka nthĩ. Kĩw'ũ nĩkyatanĩĩsye kwa ĩvinda ĩnini.

Nzoka nĩsyonie nthĩ ĩũlũ wasyo ĩna malangi maingĩ na myũmbĩle mbingĩ na syũmbe syĩ mavw'ĩa. Ĩla kĩw'ũ kyavinganie ĩngĩ nzoka isu syĩaũlwa nĩ wanake ũla sionie.

Nzoka isu nĩsyanenanisye ĩkyasya, "Twĩamba kwĩkala ndianĩ ĩĩ nduku na nthithu. Tũthi ĩũlũ tũkoone nthĩ ĩsu."

Nzoka ĩla nini nĩyakũlilye, "Tũkekala ata ĩũlũ wa nthĩ? Tũkendaa tũkungĩte na mavu?"

Munyanyae nĩwasũngĩie asya, "Nyunyi sya yayaya syĩĩtũtheka nũndũ wa kũthi kavola. Tũĩkakunga, tũkatembea."

Nzoka nĩsyelingũlanilye na syĩtũngĩanĩe vamwe syambĩĩa kũthambĩĩa syambatĩte ĩũlũ kyenini.

Syavika ĩũlũ wa kĩw'ũ kĩndũ kya ũsenyo nĩkyekĩkie.

Mĩthya ya mĩthe yoo nĩyatũkanie mala elĩ yatw'ĩka mamutha ma maaũ mena syaa.

Uungu wa syongo syoo nivaumĩlile moko elĩ mena syaa.

Nzoka isu nĩsyatw'ĩkie mũndũũme na mũndũmũka.

Ĩla masisĩlanilye nĩmendanie.

Mũndũmũka nĩwaisye, "Nĩtũsovya mũsyĩ wĩtũ syĩĩmani. Kĩla kĩoko tũkonaa sũa ĩkuma na tũkwĩw'a ũvyũvu wayo miongoni iitu."

Mũndũũme wa mbee nĩwaisye, "Ũka."

"Nĩngwĩka ũu," mũndũmũka nĩwaisye.

Na ĩndĩ nĩmatembeie vamwe malika nthĩ yoo nzau.