Abwo kare kare ekero riroba riarenge rinyia, ebitunwa ebinge nigo biatubete ense eye buna oborangeti, nemete emetambe nigo yabetete erioba.

Ase ense eye, engoro nere yabwate amache, amatoereru, naende amakendu.

NSe yamache aya, ching'iti ibere inchiamenyete aroro. Eyemo nigo yabwate emeringori emekong'u, neria yende nigo yarenge enke naende engusu.

Bono rituko erimo, embura enene egatwu. Enkoba akabara mbaka nse yengoro eria yarenge namache. Amache akabagana ase chingaki nke igo. Ching'iti chiria chikarora riroba igoro yabo ribwate chirangi ao ao amo nemenyama yende yabwate amarionya. Ekero amache aria airanete amo naende, ching'iti chiria tichichieti kweba obuya boria chiaroche igoro yabo.

"Titokegenderera kemenya ase egesunte eke iga namache aya amakendu goetani rero," ching'iti chiria chigetebia. "Tiga togende igoro ase ense torore riroba riria. "Inaki toramenye ase ense," eng'iti eria enke ekaboria. "Ntonyare kouagura nechinda chiato?

Chinyoni chiria chikoiruruka tichigotosekerera kobera nse," mosani oye agateba. "Ekiagera titokouagura, nigo naintwe torabe togotara!" Ng'ora ng'ora hing'iti ciria chigachaka kweng'usororia. Chire amo ang'e ang'e cigachaka goaka ontimbu gochia ase oborabu boria igoro.

Riria buna chigochia goika igoro y'amache aria, egento kiogokumia gekaba. Omoerio bw'emincha biabo bikabagana bikaba bibere – bikaba amagoro abwate ebiara. Na korwa nse yemetwe yabo, amaboko abere nebiara amo nenchinchara bikamera.

Korwa engaki eyio kogenderera bagatiga koba ching'iti, bono bakaba abanto, Omosacha nomokungu. Riria buna bakwenakwerigereria, baganchana.

"Togende tomenye ebitunwa iria igoro," omokungu oria agateba. "Kera emaambia tonyare korora omogaso gokooroka naboigo konyora riberera riaye" Tonyare korenda obonyansi nemete yonsi pi. Omosacha oria agateba. "Na igo korosia abasani necinyoni chionsi ame nemenyama yonsi pi."

"Inchwo," omosacha oria omotang'ani. "Nachire," omokungu oria omotang'ani akairaneria Naende bagatara amo gochia ase ense eria yabo enyia.