Ira muno, hakagwa enjara munsi eya fommbina. Abantu bakakakibwa kugenda kuheiga ebiswa nikwo batunge embibo.

Hakaba haroho omusaija akaba ataine ebyokulya ebyaraheereza ekaye. kiro kimu yagambira mukyarawe, "nyowe kangeende nserre ebyokulya." Yagenda.

Baitu omusaija obuyagenzere, omukyara atamulinde kugaruka. Yacumbira abaanabe emyongo egiyeyihaga mwayina kucumbira abaana.

Omusaija akagaruka ekiro, kandi ataineekyaretiire bantu be. omukyara akamutangiira kurungi yamukaguza, "haroho ekyoletiire abaana okulya?" yamugarukamu, "Nangwa"
Nawe yamuha emyongo, baitu gitamwiguse.

Yakaguza, "omyongo ogihire nkaha?" Omukyaara yamugarukamu, nyinanyowe ayahura emyongo harusu rw'enju ye.

Ekiro mwitumbi, omusaija we akasisiimuka. yasaraho kugenda mwa nyinazaara okwiba emyongo eyekaba esigaireyo. yagenda kutunga idaara.

Yasimba idaara aho yatemba urusu rwomukairu.

Omusaija yatandika kurubata nasaliriza harusu mbere hali emyongo. Aho naaho yaraba murusu yagwa, yakora etooko nyingi! pararam!

Yaimuka bwangu, "salaamu alaykum, omukaikuru, itwe turugire haizooba! n'diomu habasatu abalijwija ha nyuma yaawe. Ninyowe abandize, abandi nibaija,"omusaijja nikwo yamugizire

Omukaikuri akatunga ekyekango kyamani. Akatiina muno.

Omukaikuru yairuka hamulyango gw'orwigi abuleho, Baitu aho naho omusaija yairuka aheeru yamubanzanyo.

Boona nibaara nibasaba obuyambi, omusaijja akeiruka buruga izooba n'omukeikuru akeiruka bugwa izooba.