Ikare moro onwongo kec opoto ilobo me Fommbina. Joo te cako kunyu bye me nwongo gi me acama.

Onwo tye ico moro ame pe rano miyo joo ode cem. Inino acel te kobo icege ni, "Wek awot amo dek". En te wot.

Ame en awoto oko, dako mere onwongo pe romo kure naka en dwogo. Dako mere te tedo okono ame ogamo ibot totere ikare moro pi otino.

Cware te dwogo tung cawa okato abango ginoro pi jo paco mere. Dako mere te jole paco kun penye, "Ginoro pi otino me ocama?" En te gamo ni "Pe."

Dako mere te miye okono moro. Ento en pe te yeng.

Cware te penye ni,"Inwongo okono ni okwene?"

Dako te game, "Obedo okono ame mama waa gwoko iwi ode."

Iyi akina dye wor, cware te ya oko malo.

En te moko tamere me wot kwalo okono ame odong iwi ott a maro mere.

En te kwanyo rwom.

Oketo rwom te yito iwi ott a maro mere.

Te cako wot iwi ott me kwanyo okono.
Anonok te poto oko iyi wi ott te mor adit! Ipum!

En te ya oko malo oyot oyot.

"Itye ningo? Imat, wan oyo ipolo! An abedo dano acel iyi akina joo adek ame tye abino piri. An abedo dano nama acel. Jo okene tye abino." Lono okobo.

Lworo adit ter mako imat. Kome te myel.

Imat te ngwec idogola me kato oko. Ento ico ni te ngwec kato oko nama acel ame Imat pwodi.

Gin aryo ni te koko kun kwao kony, ico te ngwec tung cel kun Imat ngweco tung too.