Eila inho, waliwo endala kwitaka lye Fommbina. Abantu bbaba kaka nga okulima mu biswa batolemu empeke.

Waliwo omusadda eyali tasobola kuwa maka ge emmele. Lulala yakoba mukazi we, "Kangye nonye emmele," ya gya.

Weyali agyile, mukazi we yali tasobola kumulinda kwila. Yeffumbila amalibwa mama we ge yamuwa aga bana.

Ibha we yaila nga sawa digyile, nga azila kyakulya kyalese okubawa. Mukazi we ya mwaniliza yamubuza, "Eliyo kyo leitele abana balye?" omusadda yailamu, "Mbe." Omukazi yamuwa amalibwa aye tigaigusa musadda.

Ya buza mukazi we, "Amalibwa ogatwaile wa?" Omukazi yailamu, "Mama wange akuma amalibwa waigulu wekisenge kye."

Mubwire nga bugyile, omusadda yazukuka. Yasalawo ya gya ewa inazala we aibe amalibwa agali gasigaile wo. Yasoka kugya ffuna idala.

Yaleta eidala yalita kunumba yo mukaile ya nina waigulu.

Omusadda yatandika okutambula waigulu nga agya awali amalibwa. Mubwangu yagwa okuva mwibati, nga ali kuba endulu inho! Pararam!

Yayemelela mangu. "Salaamu alaykum. Omukaire, tuli bantu abava mubile! Ndi mulala kwabo abasatu abagya okwidha oluvainuma lwo. Ninze asokoka, abandi balikwidha," omusadda weyakoba.

Omukazi omukaile yafuna okutya okwamanyi. Yatila ilala inho.

Yelumukila ku lwigyi atoloke. Aye omusadda yamusoka okulumuka afulume nga akali.

Bombi balilila obuyambi. Omusadda yalumuka gambuka ye omukaile yalumuka nga aikilila.