I kare mo, Nyang obedo cok inget nam ma dit kun tye ka oyo ceng. Gunya obino inget pii man ci joni g'omote.

Gunya openyo Nyang ka ma en kwo iye. "An akwo i nam." Gunya obedo ki ngeng. Omedo ki penyo Nyang ni, "Kwo I pii obedo nining?"

Nyang ogamo ni, "Kwo ne mit. In kono i kwo kwene?" Gunya ogamo ni, "An akwo i wii yat. Acamo nyig yat ki pote." Ci Gunya dok openyo Nyang ni in kono icamo ngo?"

Nyang ogamo ni, "An acamo ringo."I caa man onongo Nyang dong tye ka tamo kit yo ango me mako Gunya woko. Omede bene ki penyo Gunya ni,"Itewro Kwang?"

Gunya onamo ni,"Aa, pe an tama pe i kwang." Nyang oweke ni," Bin apwonyi kera gi kwang."

Nyang obwolo Gunya kun waco ni,"Pe ilwora. Bin ibed I dye ngenya."Gunya ocito obedo i dye Nyang ocako kwang ki Gunya i pii.

Ikare ma dong g'oo i dye nam Nyang openyo Gunya ni," Iwinyo nining ka itye i dye nam kit man. Inongo mit ku?" Gunya ogamo ni,"Mit dok tye ka yomo iya bene."

Nyang oomo yweyo matut ci owaco ki Gunya ni,"nera tye ma kome lit matek. Peya wanongo yat mo ma cango two ne ni."

Gunya odoko lwo ma kome myel ni kaba kaba. Ocako ka tamo kit yo ango ma en eromo loyokwede ki i cing Nyang

Tam mo obino iwii Gunya. Owaco ki Gunya nip," e i par. Abimiyo oduno na ki neru. Ringo gunya bicango neru woko."

Lok ma oyomo cwiny Nyang. Ci openyo ni, Ada! itwero mino adaunu ni ki nera?" Gunya ogamo ni,"Ee, wan kwedi wan lurem!

Igeye cutcut Gunya owaco ki lareme ni,"Tima kica. Wiya owil adunu na odong woko i wii yat ka ma an akwo iye.Wdok kong cen wek acit agam."

Nyang kon ongeng manok ka dok openyo ni,"Ada? Ibi gamo adunu ni ki i wii yat?" Gunya ogamo ni, Ee, Wabicitowan kwedi ka neno neru."

Nyang oyee ci okwang odok cen idog nam ka ma g' nonge iye. Tek joni oo i dog nam ni tap Gunya opye ki idye Nyang

Cut ci wa iwii yat malo, ki kunu aye dong Gunya owaco ki lareme ni,"wanen nino mukene. Apwoyo tera ka limo pii nam!"

cwing Nyang okwyee. ki owako,"Man obwola? i bi dok kany ki adunu ni?" Gunya bene owako ni," An atwero ka bedo i di geyi pi an abero ki aduna!"