Agho olwatuka,mu Yobaga,akaghala akato aketebwa ka Fillis kazalibwa munsi. Abendagana ababiri bayaniriza akana kaibwe. Ghazira yali aidhi nga aliba mukini.

Gheyaghereza emyaka ena, yali ayega mangu. Yasanusa abasomesa be bona bona namakina! Nga akasoma ni bweyamala,yakinanga buli lunaku.Ezira kyamusanusanga nga okukina.

Nga yetegekeire ensi kumyaka ikumi netano, yatuka mu kibuga ekinene London, nga yetesetese okutukiriza ekorito kye. Yasibula bakagwa be. Yali yetesetese okutandika buyaka. Ghegendereze ighe eisomero lya amakina! Fillis alighano okumatiza.

Nga Fillis amaze okukina amakina agenhanda,gali gatukaana okulaga nnabakyala!Emyaka bwegyabitagho nga amaze okukuguka yali atukana okubonebwa. Nga akinira ababoni, yekyusa nga anyola enkende. Bona! Bulyomu nga amwenha! Bona bwebasanuka nga balekaana!

Okuva e Mexico okutuka e Canada. Okuva Amerika paka Bufalansa. Fillis yatambula ghala inho, ensi esobole okubona amakina ge. Ni kampuni yabalangira eyamakina nhi mikwano gye abakini, yasansanya okwenda kwe okwamakina. Yali tayenda kikome.

Fillis yali akidhi nga amakina gamuli ku mwoyo. Aye nga ayayana okwira eka kabiri, atandike buyaka. Kale yabuka yaira, eghaibwe aghalungi. Emizi gye egya amakina gyakula buyaka. Omulundi ogundi yaba omu Sous Afirika.

Okukina kwali kwa kwesanusa, nga Fillis bweyali akidhi. Yakolanga ku makina omusana no bwire, era nokukola einha, yakulakulana. Nga asanukanga,nga agezaku, okubita mubisera ebirungi ne bizibu,Fillis yakolanga ekisingayo. Yali tafuna kimala.

Romyo nhi Juliet, amakina gennhanda nago okusala. Fillis yakiniranga gano abantu:neidembe nga takogha ate bulungi.Ni baine Gale Bane ni Edwad Greiling yena, okwaka kwe kwasikiriza ababoni. Bamusulira ebimuli.

Empera eidha mubwangu, bwe ghegezesa. Fillis yazula kino, nga amaze okwetebwa "asingayo." Yaghebwa ekirabo kya 'Prima Ballerina Assoluta.' Abasinga okukina bona bona! Fillis yali ghakumanhibwa eibanga lyona lyona. Ezira kindhi kyeyali ayenda.

Kirungi!Fillis yayaganana nhi mwine. Erina nga nhi Fillipo Boidhi. Yena yali mukini. Bafumbiriganwa. Nga bakinira ghalala.Ezira ysli nga bbo nga ghaire aghereibwa akakisa.

Ghaire bali bazira baana, Fillis ni Fillipo tibanakughalaku. Bombi ghalala bafuna engeri eyambaku abazaire abandhi. Batandika amakina ga bona bona,eisomero eryendhaghulo erya amakina. okubanaga, abana abazira sente bona basobola okwega!

Yaleka olugero lwa amakina nobughanguzi obwendhaghulo. Amagero ge galekelwa abandhi okubayambaku okufuka ekisingayo. Abegeresebwa be basansana ensi yona yona, ngabasikirizibwa ebugere bwe. Bakina nga tubona,nga tulotera mubityamo byaife.