Muthenya umwe, mbuavui Anansi niwosie ikwa kuma muundani wake. Mai maseo kuvituka kwou amaumbika mwakini mavye. Na ekala nthi amaye.

Kavinda ukwenda kuuma yambee, ew'a mwango wake wakunangwa. "Ai ekai," avindisya Anansi. "Nuu usu," ateo avingua muango. Vai nguu ula wonekaa emunou muno. Nguu asya, "Anansi eka nilike. Nitembeete kuma vaasa umunthi na ni munou muno na nina nzaa." Kwou Anansi ee eka ata ateo kumweka alike?

Ateo Anansi ai mutoonu muno kwithiwa atatonya kwisiania na mundu ikwa syake onethia ni mueni. Kwou aseuvya muvango. Saa ila nguu wekalile nthi na ambiia kwenda kuya ikwa syai mesani Anansi atulya wasya na asya. "Nguu moko maku mena kiko muno! Ndwamba kuya namo mena kiko. Thi umanthambye." Kwaw'o moko ma nguu mai na kiko nundu nimo vatumiaa kutembea nthiani yonthe. Kavola, nguu athi usini kuthambya moko na asyoka yingi vala vai liu.

Na kavinda kau Anansi ambiia kumelya ikwa kumelya. Ivinda ila nguu wasyokaa niwonie kana vayai ikwa. Nguu alilya Anansi na amwia, "Nimuvea muno nundu wa kumbaalika liuni wa wiwoo. Kavinda konthe wi wakuvi na nyumba yakwa thi ukoka ngutungie muvea." Na nguu akunga kavola aendete kwake.

O matuku maendee Anansi avindiya muno undu weiwe ni nguu kana akamuie liu wa wiio wa mana. Na muthenya umwe avitila nyumbani ya Nguu. Anansi avikie nyumbani ya Nguu saa sya liu wa wioo sua yendee na uthua iulu wa usi. Nguu otaa mwaki wa ivia otondu wakothaa kwika. Ila Nguu wonie Anansi aisye, "Uvoo, wooka nikana tuye liu wa wioo, vamwe." Anansi asya, "I"i, uu ni useo muno, nimuvea." Aendee na kwiw'a nzaa munango."

Na Nguu ethika kiwuni usini aseuvya mesa ya liu wa wiyoo vo. Nake Anansi eteela e iviani kuu iulu utee wa usi. Mituki Nguu akenela na asya, "Oo Anansi! Kila kindu ni kiseo yu uka tuye liu wa wioo." Na Nguu asyoka nthi wa kiwu usini na ambia kuya matu me kisunzuni ala mai liu wa wioo.

Anansi atata ulika kiwuni ateo nundu ai mbuavui ndai alika kiwuni ekaa o kulela. Atatie kila undu, kutuila, kwithika ateo ndatetheka. Ndai avikia liu usu.

Mwisyo Anansi okiwa ni isuania. Ekia mavia maingi mivukoni ya ikoti na aitava wethiwa no ethike kiwuni mbika nthini vyu. Ai mui muno! Na avika kuu oona liu museo wa matu ala mai na muyo mwingi ala mai ma liu wa wiyoo. Anansi ambiia kwita mata.

Na Anansi atanamba uvikiaa liu uu waseuvitwe ni Nguu, Nguu amuungamya. "Anansi, nduya liu wikite ikoti, tuyikaa uu kuu kwakwa." Anansi kwa kulea kuvindiya asya, "Ii niw'o mwa Nguu, nivindisyaa kyau." Na aumya ikoti yake.

Na atena mavia mivukoni kwake ala matumaa atalela kiwuni, Anansi alela akenela kiwuni. Evau akunikila na oona Nguu aendee kuya liu uu wonthe na akwatwa ni kimako muno.