Akwaar apei ayei eron nakwap. Amam ibore ni enyamete ng'itung'a pe erai ng'ikuruka bon ayakatar. Nacha taparach aporonorete nikalonon ni ayei ekitoe lo akoniunit ageor kidding ang'olol nabalany. Sodi tobong'ut ka ageor nakakonon kotere kechi ka ng'iyenet kech. Na eng'olikinia Anansi ageor apotu ng'akimul toleleut anakituk. Ekokini ng'esi ebili ariamuni aria ng'esi bon ai?

Kitamana sodi toyau arekinet. Abu tarap loge kwap keng kotere ng'amonok namidik. Sodi tolem epewae a amot analupe tolot anyun ng'ikuruka. "King'arakinae kare cha?' Abu king'is. "Asaki atotole nakanokan tonokia akim kang. Ani elemunito atotole anakim, abu Anansi loge kiboikin niajokon natorom ekitoe aloapolon topedoria atapakin nabor keng. Abu tobuak ng'ikuruka alakara, ikusi nitielosi akamaliwot tanang ni apuripuriakinor. Sodi kikomak nawi tanyam ageor.

Pe etemokino ageor apei ng'esi. Abu tobong'o na ang'arei, tosubak loger lopei ng'olo. Na abong'oria na ang'auni, kisisakis ng'ikuruka eng'urng'ur. "Nyonte ibong'unio nikosi isaki atotole?" Apotu tolimut. Tatachu Anansi," Nacha anang'ia nawi, todung'e atotole." "Iliokono iyong!" Tolimut ng'ikuruka." Isaki cha iyong akimuj kosi." "Nyarai ng'una iteni," tolim Anansi. Sodi kisiak akigoro. Apotu ng'ikuruka toriang'alinos kotere ng'esi. "Itemokino." Tolimut Ng'ikuruka." Tolme ache totole, erukoreta moi lokitoe lo ageor."

Akiwalaret ataparach nache, abu locha Kuruk nak ng'esi akopiro, sodi topororia ka kesi lokitaoe ageor lo ayei kidding ang'olol. Na eng'olikinia ageor natiajokon ng'ina tasak Anansi alemar akitilieor akeng bon. Nacha esakia ekuruk alemar ageor sodi kikilau ng'esi, "Arai ng'ina akang!Ayong eng'olikini eking'aren!"Sodi tolema ageor kiwaak lochwe keng. Esal keng abu tolema ageor daang tamam na ayakarar ng'ikuruka.

Aponi kimiekinai ng'esi bon tarai abu aribu bu. "Na nyasakia ayong akiboi alokitoi kalo anakiyar kang kadaang," Abu tolimokin ng'esi bon. "Apedori aporor Kidiama kona ang'ikuruka." Abu kiyang'ak akooyen, toporo, and. Pup!tochakakin tooma nang'olol kidding ng'akinyang'a.

"Nyonte eyei nege kotere ng'oni?'tolim etoil long'arab akinyang, "Arai ekame lotikaabon lonyamat, nyaam." "Oitiakoi nyikok neni," tolim Anansi. Sodi kisiak akigoro." Ayong ipei kus, nyiyenete esia? Abu ayong atachakar ng'irwa lukolong kata apaakus na amam iche apedori aanyun ayong. Esi aria lu eking'aren ang'iyenet kang lukiriemunor kaniwan!" Abu kikalou lokojokon tosienoto tani ng'akinyang'a."

Na kanenei abu akinyang naapolon niecham ng'una." Kipedori akiyen atamar irai iyong ipei kosi aria kimat ng'apoko echoto kona kisubia sua." Apotu nakis ng'esi atuba na aya ng'akipi nang'ora." Loger lo asubenea tata kang!" Na kanenei abu toboka akipany atitinyo keng, ka apedot anatubwa akeju keng analong'aren. Esibit emasi ng'apoko, kitoro napedot atubwa toremoros nakipany alokwap ng'akejen keng. "Ebob!" Tolim ng'esi, ipotorit atubwa na amam ibore ayei.

" Kiyen tokona atamar irai iyong ipei kosi," Tolimut ng'akinyang'a. Tochamut akiper ka Anasi nakipany kech akwaar ng'ina. "Moi nataparach kalimokini ayong esi ekoi akiyar kang," Tolim Anasi esakete ajotor.

Nataparach elilim iwali, eroko ajipunet akolong, kitonyou Anansi apei a ng'akinyang'a. "Asaki ayong alosit ayaun aberu ka ng'ide kang ekwakaye ang'olol, keng'arakis ayong alimun ekoi kang. Ipedori iyong aking'arakin ayong anyun kesi ering'a luche nenyouno a?"

Abu akinyang kileleny na etonyounere ng'esi nataparach ering'a iribet. "King'arakinae kare cha! Ilulumae iyong lokojokon akidwang ayong," tolim Anansi. Tocham akinyang, bu Anansi tome ngesi ekume keng tanang lokwaas angolol.

Totiar kaatipei." Abong'uni atipei! Nyilot!" Tolim Anansi, eng'opiarit epedit ng'inya. Kona kiyenia ering'a akinyang idarit ng'esi ewei, ekume keng alokooyen ka ng'akonyen nalerek alokidiama ayanae.