Inyanga ndala omwayi shiyali nende obunyasi bwokhulisia efiayo fie tawe. Khandi shiyali nende tsing'oli tsiokhulisia tsingokho tawe. Khandi shiyali nende eshitwoli tawe.

Yamala akusiekho efiayo kho anyole efiakhulia nende obumenyo obulayi.

Yabola, "Engusinjia buli eshiayo irobo."

Omukuli naye yenya obukusi bwahasi muno.

Omukuli nabola, "Nenya imbusi yonene."

Omwayi namubolera, "Efiayo fino na abetsa, ndakhekombere fimenye halala."

Omwayi yakusia efiayo khu irobo. Namuheresia ingokho eshikhaya. Omwayi olweyali nakalukhanga ingo yali neshibera.

Yetsa okhunyola mbu shifialisa efiayo tawe fiali abetsa baye.

Yakalusiria omukuli amamondo kaye ne abukule abetsa baye.

"Efiayo fino bulano nefifie. Shenyala okhukhukalusiria tawe." Omukuli yamubolera.

Omwayi yamusaya muno.

"Nditsire okhunyola mbu shine efiayo sa tawe halali na abetsa banje," omwayi yabola.

Omukuli namureba, "Wabakusia okhubera shina?"

Omumenyanwa yaulira nibayingananga. Nabola, "Tsia okasie eshitwoli. Okhabe obunyasi nende tsing'oli ne nomala okalusie efiayo fifio."

Omwayi yachama efiayo fifie muno. Yakalusiria omukuli amamondo kaye.

Yafikasiria eshitwoli eshilayi nafiha obunyasi nende tsing'oli.