Khale Omubasu nende Amatsi bali abetsa.

Bosi bali bamenya mushialo.

Omubasu kwali kwachama okhuchenderera
Amatsi buli eshise.

Amatsi nako shikatsitsangakho okhuchenderera
Omubasu tawe.

Okhumalirikha, Omubasu kwareba Amatsi, "Shina eshichira noletsanga okhunjenderera?"

Amatsi kakalusia, "Oli nende inzu inditi muno. Ninditsa nende oluyia lwanje khulakhufuba elwanyi."

Amatsi kabola, "Niwenya ekhuchendere, kasia eshikuri eshikhongo. Abandu banje nabaanji muno. Babukula obwiyangu obukhongo."

Omubasu kwakalukha ingo womukhasi waye. Omwesi nikumushesia nende obusangafu.

Mana Omubasu nekubolera Omwesi okhulondokhana nende ngalwa barecheresania nende Amatsi.

Inyanga yalondakho, Omubasu kwachaka okhukasia eshikuri eshikhongo wanakusangasirie omwitsa waye Amatsi.

Eshikuri lwashiali nishiwere, nabolera Amatsi kabachendere.

Amatsi iwakola, nikareba Omubasu nikakhaba nobulayi kenjire munzu.

Omubasu nikukalusia, "Eeh, injira omwitsa wanje."

Amatsi nikachaka okhuronya munzu!

Kachenda nende ikwena, inyeni, amashere, inzukha, likhumonio nende tsisolo tsiosi tsiomumatsi.

Khulwe efise efititi, Amatsi nikola mumasikamo. Kareba Omubasu kakhabanga kali obulayi. "Eeh," Omubasu nekufuchirira.

Tsisolo tsindi nitsimeta okhwinjira.

Amatsi kola hekulu muno. Nikareba omubasu, "Abandu bandi banyala okhwinjira?" Omubasu nende Omwesi nibafuchirira.

Amatsi katsiririra okhwinjira. Omubasu nende Omwesi nibanina khwikulu khweinzu.

Abekho ba Amatsi batsiririra okhwinjira nibola hekulu weinzu. Omubasu nende Omwesi nibanina mumalesi.

Okhurula olwo, Omubasu nende Omwesi bamenya mumalesi.