Magezi nende Kasiira bamenyanga halala.

Khandi balitsanga halala.

Magezi yasunga, "Khulimenje halala shinga khulitsanga halala."

Magezi yasunjira Kasiira, "Ewe lima, nasi erache."

Khandi Magezi yasunjira Kasiira, "Ewe raka, nasi ndalaka."

Amabere kaangala.

Kasiira yasunjira Magezi okhuchesa.

Magezi yakalusia, "Ewe chesa, nasi ndalabunga."

Magezi yali omutofu.

Kasiira yamuwakho libere elalasa lionyene.

Magezi yabukanana nende Ingokho.

Ingokho yalia libere liatsana.

Yaheresia Magezi libuyu.

Magezi yanyola abana nebabayanga.

Batisia libuyu elio.

Abana baeresia Magezi liyembe.

Magezi yanyola webotsa.

Webotsa yalia liyembe namuheresia libaa.

Inyanza yabukula libaa.

Yamuheresia Magezi amatsi.

Magezi yarumishira amatsi okhusumia omuliro okwa
abasambi bamanda.

Abasambi bamanda baheresia Magezi ihaywa.

Magezi yanyola abasinzi.

Bafunaka ihaywa.

Magezi yahebwa omurwe nende omushinga okwe Isurusi.

Lola eshia yakhola!

Yopa tsimbungu, "Isurusi yomwami ihandire mumatoyi."

Bwali obubeyi butswa.

Abandu betsa okhumukhonya.

Magezi nabasunjira, "Khwese omurwe ne firenje."

Magezi yabasunjira, "Mumbe ing'ombe yenyu embirire omwami."