Kasalina ali ne ekintu mu mutwe. Bagya kukitoolamu batya?

Kimukooya. Kimuluma. Kimuleetera okwewulira nga muzito.

Tasobola kulya. Tasobola kunhwa. Ti musanhufu nga bwe yalinga eira.

Bambi! Mukazi waitu! Omutwe gumubwatuka mu bulumi.
Omusawo amukuba ekifaananie.

Omusawo abona ekizimba mu mutwegwe era yakoba, ''Ghaligho ekili kuzimba ku bwongo bwo.''

''Tuli na kukitoola ku bwongo butibuti. Tuli na kukikutoolamu buti!'' omusawo bwakoba.

Baleta ekitanda.

Bategeka obukereta.

Bamukuba agapiso.

Basala omutwe gwa Kasalina. Bagwigula.

Batoolamu obwongo.

Basalamu ekizimba.

Baizamu obwongo.
Baatunga omutwe baagwiizagho.

Kasalina awuliraaa tawulira kintu kyonakyona kye bakola?
Kasalina ali mu igulu. Tawulira. Talya. Talowooza. Okumala esaagha abiri na ina.

Meeni yairibwa.

Buti ali bulungi. Nga mwana eyaakazaalibwa.

Twenatwena tuli basanhufu olwa mukwano gwaife Kasalina, eyakyalaku mu igulu.