Lwali lulala Malevu yasimba empambo. Yakula yafukaamu eiribwa einene. Eiribwa lyaziba engira egya munimiro.

Mukyala Malevu yayendha okucuusa eiribwa. Yagya ewa muliranwa. "Mukyala Makanyaga, nnamba idhe tocuuse eiribwa lyange. Lizibye enjira yange", nga mukyala Malevu nakoba, Abakazi bombi nga basindika tte basindika, aye eiribwa nga tiryeninyaku ghaire.

Bagya ewa muka Mbulayo. "Tuyambeku okucuusa eiribya lya muka Malevu," nga bamusaba. Abakazi abasatu nga basindika tte basindiika iribwa, ayenga era tirivwagho. "Tidhi kyakola," muka Malevu ngakoba.

Bali bakalyagho nga'kageregere kaidha munimiro ya muka Malevu. Endhala yali erikaluma. Kalumalumaku kwi'ribwa. "Lekera," eiribwa teryogera. Akageregere ttekeyongera kulumaluma.

"Lekera! Olikuniogereza," eiribwa nga lyogera. "Tikyendha." Nge'iribwa lyegalangula mpaka ghansi ghakasozi.

Eiribwa lyakoma mukisaghe ghansi gha'kasozi. Abayi balyagaana. "Lino eiribwa tugyalikozesa cci?" bebuuza. "Tulirye," nga bakoba, "Liboneka okuwoma."

Abayi ngabatwala gubaale kugezaku kulimenhamu.

"Mbe!" nge'iribwa lirira. Abayi ngabatuma kyainhuma. Eiribwa nga litandiika kweigula.

Mwi'ribwa ngamuvamu akakazi akagedde. Kalina omukono mulala, eriiso irala. nekigele kirala. Kaali kafanana bubi. "Timunsumbuwa," tte kabakoba mugulobozi ogunene. "Ninze omwami ghamalibwa." Eiribwa teryeigala kabiri.

Abayi batya inho. Baalumuka ekka okobera bazaire baibwe. "Wo! Tuli bamukisa inho!" abazaire baibwe ttebakoba. "Timwidhi omukulu ghamalibwa?" "Eryo iribwa lyandhaghulo inho," abazaire ba'bayi ttebakoba. "Timulighemaku."

"Ekisera ekyosiiga ekiraku eiribwa elyo ligya kweigula kay. Era akakazi ako kaidha siga empambo kubyalo byaiffe kwonakwona. Tugyaba namalibwa mangyi inho inho agolya," abazaire ba'bayi ttebakoba.

Era nga bwekyali olusiga olwairaku, eiribwa lya Muka Malevu tribyabika nga lyeigula. Lyali lidwire mpambo.

Nga' na'kakaire kavamu. Nekire kyako ekirala nga kafuluma mwi'ribwa. Neriso lyako eirala nga kalingirira ebyalo. No'mukono gwako omulala nga kasula mpambo dhonadhona mukiiko kyonakyona.

Empambo dhamera dhafuuka agalibwa aganene agalungi buli munimiro mukiiko. Mumakungula kwolwo bulimuntu mubyalo byona byona yalina amalibwa mangi ago'kulya. "Webale inho Muka Malevu!" nga beeta.