Okumala emyezi kamaala, eigulu lyali ikalu. Nsaadha, omulogo wa maadhi omumanhifu, yayogera ni bakatonda be. Abantu beekungaania mu maka ge, nga beesunze obubaka obwe isuubi.

Bwe yafuluma kuluya, yakakasa abantu ati Kibbumba yali aja okubagha amaadhi mu kiseera ekitali kya ghala. Baidha no okusobola okusimba ebisime byaibwe.

Abaana baazaanira nga kuluya nga tulindhirira amaadhi.Olwaira ku lunaku olwo, twabona ebireri ebinene ebyeru mu buvandhuba. Naamanha nti byali bireri bya maadhi.

Abantu baali bakaaloghooza kw'ebyo Nsaadha by'abakobye, Maama yaleekaana ati, "agho! Ebireli biilugaire. Mwingire munda."

Ekileri kya maadhi kyafudhenga.

Twali tulindilile amaadhi! Okusoka twasanuka. Aye amaadhi tigakya.

Buli ghantu ghaidhula maadhi. Olutindo olugaita ekyalo kyaife ni ku bukalu lwamenheka.

Nhumba dhaamenhebwa amataba. Ogwali omukisa, gwafuuka kizibu ye tuli.

Buli muntu yali yeteeseteese kusimba. Aye buti baali tibasobola kusimba. Abantu be ekyalo kyange baayenda inho amaadhi aye buuti tibakaagenda. Tuzira lutindo lwa kusala. Banji bazira maka.

Ate, twaba ne kizibu ekindi! Twabona engoyina eningi nga dhiwuga buli ghantu. Kino twali titukibonangaku. Twasoberwa.

Twali titusobola kuja kugula bintu ku maduuka kubanga amaduka gonagona gaali ku ntuuma ya mwiga.

Ogwalibaire omukisa, kyafuuka kikolimo ye tuli. Nsaadha, omulogo wa amadhi, yeena yanakughala. Omuntu yenka eyali omusanufu, yali Wamuyayu nobu Yayu bwe omunaana.