Kera kera, omulhumeabya awithe esyambene ibiri, inakabisasyo omwa nyumba yasyo eyo abyaakakingabuligholhogholho. Bulingyakya
abya akakingulirasy neriyalisasyo. Abya akahangasyo omwamwanya owathemu ebithi ebikabugha.

Nahabyekyo sisyabyasikaghutha. Omwakiro kighuma, esyambene musyalhonda ngokusyangakingulha syangaghenda
eyihya eriyasondya ebyerirya. Embene nguma muyabana enzira eyerikinguliramo olhuyi. musyaghenda
eyihya samayalya emiriki eyomuyi oyo. Hanyuma werirya, musyasuba omwanyumba syamakinga olhuyi.

Omwangyakyangyakya omulhume, mukyaminyikalha
indi emiriki yiwe yabiribya imuyikalibawa ne bisoro, mwathalengekanirya omwa syambene syabikalhani buwe. Omwakiro, esyambene musikakingulha syamalya emiriki.

Engyakya eyasubukako omulhume
mwasangana emiriki iyabirilibwa, mwatabukana nerithabukana, mwatenga eribya akatsunga emiriki yiwe omwakiro. Omwakatikati ekekiro, mwahulhuka nerithumu, mwaghenda bolhobolho eyiri esyambene, mwaghusa erithumu.

Embene nguma muyatsimitwa
neryo esyosi musyathibitha, omulhume mwingira omwanyumba. Engyakya, mwaghenda akayalebya ekyo abya atsimithire. Neryo mwasangana inabiritsimitha embene yiweyiwe. Mwaghalirwa busana nomwatsi oyo.