Document

Magezi wùn Kasiira

Cornelius Gulere

Brian Wambi

Yì-iì dzə̀ fó ŋgùʼ, Magezi wùn Kasiira lo, á wàa yikír kintatì.

1

Magezi nèn lò sùúy jii, "Wòsò tátí ri a lìm súm.

2

Magezi yòŋ e Kasiira jii, "Á lìm, é m wáa way kém a dzə̀ vifá.

3

Magezi suúy e Kasiira jii, "À lo a way, a wiy dzəə̀nè mo."

4

Saárí wìy bìy, Kasiira nèn yòŋ e Magezi ji wù wàá du a tin.

5

Magezi suúy jii, "À lo tin, a yíi sàŋ mo é lùm."

6

Magezì dzə̀ njoó. Kasiira nèn fò wun a dzə̀ kitiír ké saàr.

7

Magezi lì saár rə̀y, e lòo dù wùn ŋgvəv tárnín.

8

Ŋgvəv yí saár rəy e dzə̀m, e nèn fò Magezi wúm e mòʼón.

9

Magezi lòo dù, e yèn wón ámóʼó, á nèn bvə̀ʼ wúm rəy.

10

Wón viyi nèn fò Magezi máŋgò e mòʼón.

11

Magezi lòo dù, e yèn maaŋkwá. Wù nèn kfə̀r máŋgò və, e fò wun fəə.

12

Kibáŋ kí nèn sə̀ fəə, e fò Magezi a dzə̀ mendzə́v.

13

Magezi nèn lì mendzə́v mey e ndzə̀mér və́y shó fo kiy.

14

Kíyí nèn fò Magezi a dzə̀ njàm.

15

Magezi dù e yèn wír ve á yii gwar nàʼ. Wír viyi nèn wàʼ njàm rə̀y.

16

Magezi sə́ kitú ke nàʼ wùn à kúné. Á bèy nen kòóy ka?

17

Wù nèn rəə̀mé jii, "Nàʼ Fòn tàv ne e kishàʼàr."

18

Wíri wìy ji á səŋ. Wù yóŋ jii, "Vèn á sə̀ŋ fo kùn, a səŋ fo kitu."

19

Magezi nèn yòŋ e wírí jii, "Vèn fó nàʼ won é mò ji wo Fòn."

20

You are free to download, copy, translate or adapt this story and use the illustrations as long as you attribute in the following way:

Magezi wùn Kasiira

Author - Cornelius Gulere
Translation - Beatrice Tafon Takeh, Mbinkar Emmanuel Keelen
Illustration - Brian Wambi
Language - Lámnsoʼ
Level - First words

© Text: Uganda Community Libraries Association (Ugcla) Artwork: African Storybook Initiative 2015
Creative Commons: Attribution 4.0
Source www.africanstorybook.org
Original source http://ugcla.org