Document

Wír wo fəə si-iì fəən é wùn wó

Worku Debele

Tadesse Teshome

Yì-iì dzə̀ é ghan símóʼ sí, ŋgaà mbàm wùmòʼ wáa dzə, a wù kér wón vee vilum abaà.Ŋgaà mbàm və̀n nèn sàŋ ji wun wíy kpú, bo nàʼ və e dzə̀m dú a e wan və mbìy woo lumèn. É ké wo bàm kí wáa dzə a kiyuú kimòʼón cáʼ.

Mo wìr və̀y kpuun, wan mbìy nèn lì nàʼ e dzə̀m. Á nen fò a dzə̀ kiyuú kimòʼón e wàn wo wù batin.

Ntàm lòo dàr, wàn woo ŋgaà mbàm və̀y nèn a jòy. Wù dù e yèn ŋgaà shìv, e dzə̀r shó ji sà dzə̀ wun yèe bóo bonén a? Ŋgaà shìv suúy jii, "À du à see kiyuú ke kí kér nshòm ye yì boŋkìrì."

Bo wan woo ŋgaà mbàm və̀n yòʼ-oò lo e kiíy fo dzə̀ wù kòóy kiyuú ke kí boŋkir kin gheéy. Wù nèn lò e kuùmé kiyuú ke fər və kiy. Wù túm wíri ji á yén á fə́r və.

Á dù, wù bìnèr e wír viyi jii, "Kù jòʼsì kiyuú kìn kee ji kifá kém, yii bèy a dzə̀ ji dzə̀ kí sə fər wom wù bònén bo kù ghèén é m lay kiyuú kìn." Wù ku nèn fò kiyuú kìy wùn à kishéʼrì ki.

Wír vìyi dù e seè kiyuú kìy e yìír fər və woo ŋgaà yàsí sho. Yàsi fər və və̀y nèn bònén.

Ntàm lòo dàr kiŋgaʼnèn ke kinyo ki nèn sàsìn e kòóy. Kinyo kìn ki dzə̀ fəə se si-iì kèʼèn a fəə́ e fə̀r woo ŋgaà mbàm və̀y wùn.

Wù yò-oò lo a biimé ji kinyo ke wun yén ki dzə̀ á rú.

Wù nèn dù e yèn ŋgày sé wìr. Á suuy jii, "Dzə̀ biʼ fo à boʼon fər wò. À lì anàʼ adzə̀m, e kfə̀n sə̀ kiyuú ke tàr won-eè foon e fər wò." Ŋgày sé wìr si yòŋ e fə̀r woo ŋgaà mbàm jii, "A dzə̀ ji à bónén, fər wò kù màʼày jay wò."

Ŋgày sé wìr si wáa shaà fo mbìy a yòŋ jii, "Vèr yíi lì mfuy e fo e fər wò ji kisəəm kee ji wù màʼày a ne jay wò. A wù cù mentíy sho, bo à ̀ yíi bonén."

Ŋgày sé wìr si nèn lì mfuy e dù fò e fə̀r və̀y e sùúy jii, "Cú mentíy mè sho, e làysìn jay fər wò." Fə̀r və̀y nèn cù mentíy sho.

Ŋgày sé wìr si nèn yèn ji bòŋ aá tóʼnén á nyám se fə̀r woo ŋgaà mbàm e ntìntìn, e fò á mbìv yìmòʼ e fə̀r woo ŋgaà kitàn.

You are free to download, copy, translate or adapt this story and use the illustrations as long as you attribute in the following way:

Wír wo fəə si-iì fəən é wùn wó

Author - Worku Debele, Elizabeth Laird
Translation - Beatrice Tafon Takeh, Mbinkar Emmanuel Keelen
Illustration - Tadesse Teshome
Language - Lámnsoʼ
Level - First paragraphs

© African Storybook Initiative 2016
Creative Commons: Attribution 4.0
Source www.africanstorybook.org
Original source www.ethiopianfolktales.com