Document

Rə́mé du kiŋgàn é ntèʼ

Ursula Nafula

Wiehan de Jager

Yír yémé dzə̀ Kobole. A m dzə́ e ntèʼ a yì dzə̀ e dórín.

Mò-oò ghán bóŋri à frur, e nèn lò e yèn kifá kímóʼ kí ke m yò-oò yiì ne e yèn.

Nsə̀ŋ sí-iì dzə̀ é yúv, a sí dzə̀ nshòm si nshòm si.

M nèn màʼày afrur vìy àdzə̀m e shèr kileʼ ji m du, e fèr a e wíri fó láʼ.

Wíri-iì tíynin fo ndzə leey kér gháʼ.

M shéʼ, e súúy jii, "Fèn dzə̀ kóy ndzə̀y a wú kér e yuv." Neno suúy jii, "Àáyà, m kwaʼ kém ji wìr cuurì a dzə̀ a pen fo yuv."

Wír ámóʼó wàa biímé ji m suuy a rú. Aámóʼó kwàʼtì kév ji suuy a Neno rú. Vèr nèn kèʼ mbìʼ.

Wìr wùmòʼ a wù wíy fó ntèʼ yìmòʼ kwaʼda nèn yòŋ jii, "Wìr wo wù yòŋèn kinyo kee réŋ kí fo vèn yòʼ dzə̀."

Vèr nèn yòŋ kitávín jii, "A dzə̀ ji vèr yòʼ yòŋ réŋ, à nèn naàrì ver kifá kee shó."

Wìr wo wiyìn və̀y nèn yòŋ jii, "Dzə̀ rə́m. Vèn yòʼ-oò yiì ne e yèn rə́m a?"

Vèr nèn dzə̀r e wìr wo wiyìn və̀y jii, "Rə́mé dzə̀ ka?"

Neno dzə́r jii, "Sí kér ver a? A dzə vèr lèm fen à?" Bó vèr yòʼ fə̀m-eè lo keèrí binèr si bìʼ fo wìr və̀y-iì ŋeemen ne e lày.

You are free to download, copy, translate or adapt this story and use the illustrations as long as you attribute in the following way:

Rə́mé du kiŋgàn é ntèʼ

Author - Ursula Nafula
Translation - Beatrice Tafon Takeh, Mbinkar Emmanuel Keelen
Illustration - Wiehan de Jager
Language - Lámnsoʼ
Level - First sentences