Document

Tamara kéʼ a du' fo shikur

Soila Murianka

Jacob Kono

Tamara dzə̀ wán woo wiíy, a wù dzə̀ viyá vitàn. Wù-uù dzə́ aáwune laʼ, a ntèʼ yev dzə̀ é ghaà kòv wúmóʼó a nyám se kwaʼ si dzə̀ fó.

Tamara-aà ghvə́m tàr wov wùn yè wov. Wù lo wù wàa shìy anjiì wùn à bvə́y sév sí.

Tamara lóo shìy nyám bèy, menə́n me lóo yòv luŋ sév, wù wàa kòŋ a yuurí. Menə́n mè lóo yòv wù wàa jùmrì kiléŋléŋ, e nèn a yòv e sə́ see jí si.

Tamara-aà dzə̀ə́ e teétérí fó a dù fo shikur. Tàr wov wùn yè wov máʼtí cáʼ a dzə̀ wón vee ŋgày sé wì̀r vee Nashipaʼe wùn Tasieku á wáa dù fo shikur.

Nashipaʼe wùn Tasieku, à wón ve áwune nteʼ-eè lo kijàvndzə á dù fo shikur, lóo dzə e ŋkuùr, á wàa kfən. Áwune lo, á lì viyíkìr e mewon me a kontena.

Tamara nèn a dzər e yè wov jii, "M yíi kèʼ a dù fo shikur a dzə̀ é ghàn ka?" Yè wov bìnèr jii, "Wan wom, bèr ne shishàr áà wáa dù."

Wáa dzə e kishiíy kimóʼ kí, mótù wìy, a fòn dzə̀ shó wùn à vikìy abaà. Fòn-eè wày wáyín ji wóné wáa kèʼ a shikur e viya vee réŋ.

Wíri-iì kér biíme jii, a wàn yàʼár kiwó kfə́ fo wun kitu, e kùm kituʼùr kfə́, bo sì á ghán se dzə̀ wù kèʼ shikur.

Fòn dzə́r jii, "À dzə̀ viyá vi sìʼín?" Tamara bìnèr jii, "M dzə̀ á viyá vitàn." Fòn nèn sùúy jii, "Vèsən leéy o ji sà dzə̀ lèn à kèʼ shikur a?"

Wiíy wùmòʼ nèn nàn kóy Tamara e neèr ji weè weè e wun kitu. Tamara nèn kùm kituʼùr kfə́ ké ŋkoòvì ki.

Tamara-aà yíi a dù shikur a dzə̀ she sən shí fo shé Nashipaʼe wùn Tasieku shi. Shí-iì dzə̀ shì fíy, e kfə̀n a dzə e mentsə̀m me laʼ.

Wúné-eè boŋʼ Tamara feyì. Tamara nèn a rə̀m jii, "M yií a yòŋ ŋwàʼ e kfə̀n a saŋ moo Nashipaʼe wùn Tasieku."

You are free to download, copy, translate or adapt this story and use the illustrations as long as you attribute in the following way:

Tamara kéʼ a du' fo shikur

Author - Soila Murianka
Translation - Beatrice Tafon Takeh, Mbinkar Emmanuel Keelen
Illustration - Jacob Kono
Language - Lámnsoʼ
Level - First sentences