Bvəy-iì dzə̀ Fon wo nyàm si wùn à menə́n me. Wù wìy jàŋ dzəʼə̀m.

Wù suúy aáwune ji njèm ki shi á wun. Wìr dzə̀m yuúri.

Njèm-eè dzə̀ kùm jíŋ. Shisi shí dzə́r jii, "Bo vèsən lo e yèe len?"

Ŋgvəv wùn Gwàgwá yoŋ ji, "Vèsən báʼtí viyíkìr e lèm e fon kitàv."

Fon yóŋ jii, "A wìr tèn fo yunin nsər rə̀n, bo á kúr wun aàkfə̀ə́."

Kí lò kòóy ji á kóʼór á Fon wo sən. Á nèn kòʼór shisi ji fon.

Bvə́y nèn mèŋ Fon woo Shisi, e nèn sàyín jii, "M kù dzə̀ Fon."

Bvəy tèn fó du e viyíkìr vi. Nàʼ dzə́r ji, "Vesən lo, e yèe le len?"

Nyám si wùn à menə́n me súŋnín. Áwune-eè yù nyár wun a bvəy.

Jwi suúy jii, "M kù-uù rə́si dzə̀ vèr wun e ghan se wù-uù dzəə̀n fon.

Njii suúy ji, "Mo-oò shòʼóy wuy ye juŋe fo mǒ wun, e fò e wón və́ə."

Kǔnnyàm wáa toŋ jii, "Mo-oo leey sum və́ e ghan se wù-uù dzəə̀n fon."

Njii ghay jii, "Bvey sà kwaʼ ji wùn wìy saʼ vifon e kù gòʼ a saʼ a?"

Nyám si wày wáyín ji bvəy waà kù dù e fo a viyíkìr e Fòn wo fíy.

Nyám sí du e yèn bvə́y. Bvey yòŋ jii, "Kù wíy a saʼ mo vifon."

Nyám sí nèn sùúy jii, "Vèr lo, e kur wò, e dù sho fo Fon wo fíy."

Nàʼ sə̀ŋ bvəy e dù sho e lav nsaʼ yee ntoʼ, a nyám si kwáʼti wó.

Á kinyo ke ki yiìn la bvəy yoʼ a kòŋ a dù, e ghan se á səŋ wun sə́ŋen.