Document

Vitsə́ʼ ve bàá lèmèn

Lemu Wachile

Jacob Kono

Bàá wùmòʼ-oò yiì a dzə̀ wír sùm wo tavín. Wiíy və-əə̀ ki lim feyì, aáwuné kér wón abaà.

Bàá və̀n-eè kér viyíkìr kijuŋ bìʼ fo wùn wiíy-iì lim kitávín. Wù-uù koŋ ji wón vəə wáa ker a dzəʼə̀m ye juŋe. Wù yòʼ-oò lo a biimé ji áwune wáa lim a kifá.

Ntàm lòó dar, wiíy nèn kpù.

Yii bèy, wù kù a dzə ji bó yòʼ dzə̀ a wón vəə́ wàa lìm a kifá. Wù nèn ku a shaà fo mbìy a lìm lim yeé kwaʼ wùn à yeé laʼa wùn mòʼón.

Mo ghán sí du, bàá nèn dzə̀n, yàsí koó sá wun. Wù nèn kèʼ a rə̀m ndzə̀ ji wun lo e kpu, bo kinyo ki kòóy ne a wón və́. Yòʼ dzə̀ áwune yù fóo leéy fo áwune vitu.

Wù nèn jàŋ wón və́, e sùúy jii, "Vitsə́ʼ vé m fó e vèn ví dzə̀ kisha ke mbàm ke baàr ki ke ki dzəə̀n é kilìtì e kwaʼ. A vèn koŋ e sə vitú vén, vèn nèn a tuŋ kwáʼ, a tàʼ kisha ke mbàm ke baar kin ki."

Wù jàŋ wír vee wun shweesí e sùúy jii, "M sí lo a kpu. Wón vémé yòʼ kì móo leéy fo áwune vitu. Kii vèn, vèn siiy vèn wàa leéy fo áwune e mee mo áwune wíy yu fo a leéy fo áwune vitu."

Bàá wìy kpù, aŋgaà və́ shweesií nèn a fo wón vifá ve yi fo bǎm shintàm.

Wón vine yòʼ-oò lo a koŋ ji áwune rán a kisha ke mbàm kiy ke bàá wov-iì dzəə̀mèn é nsay. Áwune nèn wày ji a lo a tuŋ a kwaʼ və̀y áwune áwune.

Áwune túŋ kwáʼ və̀y wú mayi, á dù e wúmóʼó. Bó áwune yòʼ yèn kisha ke mbàm kiy.

Áwune nèn dzə̀ʼə̀m a ghay wún jii, "Wòsò kwaʼtì ji tàr wòsò bòʼtí wòsò boʼtín a?" Wan wùmòʼ sháʼnén jii, "Àáyà, m kwaʼtì ji tàr wòsò-oò yoŋ a dzə̀ á jii, wìr lóo lìm súm, wù nèn a ker a mbàm. A wòsò lìm súm, e wày vifá, e nàŋsín bo dzə̀ wòsò wàa dzə aŋgàa mbàm."

Kù dzə̀ mo vé sum ámóʼó kù túŋ kwáʼ. Á lim sáŋ, fiinè, áwune nèn a ker mbàm sigháʼán.

You are free to download, copy, translate or adapt this story and use the illustrations as long as you attribute in the following way:

Vitsə́ʼ ve bàá lèmèn

Author - Lemu Wachile, Elizabeth Laird
Translation - Beatrice Tafon Takeh, Mbinkar Emmanuel Keelen
Illustration - Jacob Kono
Language - Lámnsoʼ
Level - First paragraphs

© African Storybook Initiative 2016
Creative Commons: Attribution 4.0
Source www.africanstorybook.org
Original source www.ethiopianfolktales.com